1 Samuel 8:11 - Yn Vible Casherick 1775 1819

¹¹ As dooyrt eh, Shoh myr vees yn aght nee’n ree reill harrishdiu; nee eh goaill ny mec eu, as pointeil ad da hene, son e ainee, as dy ve ny markee echey, as paart jeu dy ve nyn goshee roish ny fainee.

1 Samuel 8:11 ပူးပေါင်းရင်းမြစ်များ

2 Samuel 15:1

As haink eh gy-kione lurg shoh, dy ren Absalom soiaghey magh da hene fainee as cabbil, as jeih deiney as da-eed son coshee dy roie roish.

1 Reeaghyn 1:5

Eisht hrog Adonijah mac Haggith eh-hene seose, gra, Beem’s yn ree: as ren eh aarloo fainee, as markee, as jeih coshee as da-eed dy roie roish.

1 Reeaghyn 10:26

As haggil Solomon cooidjagh fainee as markee: as v’echey thousane as kiare cheead fainagh, as daa housane jeig dy varkee, ren eh pointeil ayns ny ard-valjyn son fainee, as dy ve marish y ree ec Jerusalem.

1 Reeaghyn 12:10

As loayr ny deiney aegey va troggit mârish, gra, Shoh myr nee oo gansoor yn pobble shoh loayr rhyt, gra, Ren dty ayr yn whing ain trome, agh jean uss eh ny s’eddrym dooin; shoh myr nee oo loayrt roo, Bee my vair-veg ny s’chee na slheeasid my ayrey.

1 Reeaghyn 12:4

Ren dty ayr yn whing ain doccaragh: nish er-y-fa shen, jean uss shirveish creoi dty ayrey, as e whing hrome ’chur eh orrin, ny s’eddrym, as nee mayd uss y hirveish.

1 Reeaghyn 14:27

As ren ree Rehoboam ayns yn ynnyd oc scapeyn prashey, as hug eh ad fo currym captan y ghard, er va currym dorrys thie’n ree.

1 Reeaghyn 18:46

As va laue’n Chiarn er Elijah: as chryss eh seose e veeghyn, as roie eh roish Ahab, derrey haink eh gys Jezreel.

1 Samuel 10:25

Eisht dinsh Samuel da’n pobble cre’n aght veagh stayd y reeriaght, as ren eh scrieu eh ayns lioar, as hasht eh seose eh ayns cabbane-agglish y Chiarn. As hug Samuel ooilley yn pobble ersooyl, dy chooilley ghooinney gys e hie hene.

1 Samuel 14:52

As va caggey dewil noi ny Philistinee ooilley laghyn Saul: as raad chronnee Saul dooinney trean erbee, ny dooinney dunnal, ghow eh ad son sidooryn fo hene.

1 Samuel 22:7

Eisht dooyrt Saul rish e gheiney hass mygeayrt-y-mysh, Clasht-jee nish shiuish Venjamiteyn, Der mac Jesse da dagh unnane eu magheryn, as garaghyn-feeyney, as jean eh shiu ooilley nyn gaptanyn-thousane, as nyn gaptanyn-keead;

1 Samuel 8:9

Nish er-y-fa shen, cur raad da nyn yeearree: agh ec y traa cheddin cur dty vriwnys dy foshlit nyn ’oï, as cur toiggal daue cre’n aght nee’n ree dellal roo vees reill harrystoo.