1 Samuel 7:6 - Yn Vible Casherick 1775 1819

⁶ As v’ad er nyn jaglym cooidjagh ec Mizpeh, as hayrn ad ushtey, as gheayrt ad eh magh kiongoyrt rish y Chiarn, as hrosht ad er y laa shen, as dooyrt ad ayns shen, Ta shin er n’yannoo peccah noi’n Chiarn. As ren Samuel cloan Israel y vriwnys ayns Mizpeh.

1 Samuel 7:6 ပူးပေါင်းရင်းမြစ်များ

Genesis 31:49

As Mizpah: son dooyrt eh, Dy jean y Chiarn arrey y reayll eddyr mish as uss, tra ta shin veih-my-cheilley.

2 Samuel 14:14

Son shegin dooin ooilley baase gheddyn, as ta shin myr ushtey deayrtit er y thalloo, nagh vod ve troggit reesht: chamoo ta Jee jannoo soiagh jeh persoon erbee; foast t’eh er n’oardaghey saase ’sy leigh, son coyrt lesh thie eshyn ta eiyrit magh veih e heer hene.

1 Reeaghyn 8:47

Ny-yeih, my smooinys ad orroo hene ayns y cheer huggey v’ad er nyn goyrt lhieu nyn gappeeyn, as arrys y ghoaill, as jannoo aghin hood’s ayns cheer nyn gappeeys, gra, Ta shin er n’yannoo peccah, as er ve mee-viallagh, ta shin er chur-rish olkys;

1 Recortyssyn 11:18

As vrish y three trooid sheshaght-caggee ny Philistinee, as hayrn ad ushtey ass chibbyr Veth-lehem, va liorish y yiat; as hug ad lhieu eh gys David: agh dob David giu jeh, agh gheayrt eh magh eh myr oural gys y Chiarn,

2 Recortyssyn 20:3

As va aggle er Jehoshaphat, as chiare eh dy hirrey yn Chiarn, as doardee eh trostey dy ve er ny reayll trooid ooilley Judah.

Nehemiah 9:27

Shen-y-fa, livrey oo ad gys laue nyn noidyn, ren tranlaase orroo: as ayns earish nyn seaghyn tra deïe ad hood’s, cheayll oo ad veih niau: as cordail rish ymmodee dty vyghinyn, hug oo daue saualtee, ren ad y livrey veih laue nyn noidyn.

Lioar Yob 16:20

Ta my chaarjyn craidey moom; agh ta my hooill deayrtey magh jeïr gys Jee.

Lioar Yob 3:24

Son ta my osnaghyn cheet orrym roish my lhongaghyn, as ta my ghobberan deayrtey magh myr ny ushtaghyn.

Lioar Yob 33:27

T’eh jeeaghyn er deiney; as my jir fer erbee, Ta mee er n’yannoo peccah, as er chassey cairys, as cre-woad share mee?

Lioar Yob 40:4

Cur-my-ner, ta mee my chretoor treih; cre t’aym dy reggyrt? lhie-ym my laue er my veeal.

Lioar Yob 42:6

Shen-y-fa ta dwoaie aym orrym pene, as ta mee goaill arrys ayns joan as leoie.

Psalmyn 106:6

Ta shin er n’yannoo peccah marish nyn ayraghyn: ta shin er chur rish aggair, as er ghellal dy olk.

Psalmyn 119:136

Ta my hooillyn shilley lesh jeïr: er-yn-oyr nagh vel deiney freayll dty leigh.

Psalmyn 42:3

Ta my yheïr er ve my veaghey laa as oie: choud as t’ad gagh laa gra rhym, Cre vel nish dty Yee?

Psalmyn 6:6

Ta mee deinagh lesh gaccan; dy chooilley oie ta mee gushtaghey my lhiabbee: as fluighey my lhiabbee: as fluighey my lhiaght lesh my yeïr.

Psalmyn 62:8

O cur-jee nyn marrant er dy kinjagh, shiuish phobble: deayrt-jee magh nyn greeaghyn kiongoyrt rish; son ta Jee nyn dreishteil.

Jeremiah 31:19

Dy firrinagh erreish dou ve er jyndaa, ghow mee arrys; as tra haink mee gys tushtey, woaill mee er my lheayst: ghow mee nearey, dy feer, va mee dy mooar seaghnit, fo laad oltooan my aegid.

Jeremiah 36:9

As haink eh gy-kione, ayns y wheiggoo vleïn jeh reill Yehoiakim mac Yosiah ree Yudah, ayns y nuyoo vee, dy dug ad eam son trostey fenish y Chiarn da ooilley cummaltee Yerusalem, as da ooilley’n pobble haink veih ard-valjyn Yudah gys Jerusalem.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Dobberan 2:11

Ta my hooillyn moal lesh jeïr; ta my chree seaghnit, ta my aane er ny gheayrtey magh er y thalloo, er coontey toyrt-mow inneen my phobble, er-yn-oyr dy vel yn chloan as ny oikanyn tuittym neeal ayns straïdyn yn ard-valley.

Dobberan 3:49

Ta my hooill shilley gyn scuirr, ny goaill fea;

Dobberan 5:16

Ta’n attey er duittym veih nyn gione: smerg dooin dy vel shin er n’yannoo peccah!

Ezekiel 20:4

Nagh jean oo ad y vriwnys, vac y dooinney, nagh jean oo ad y vriwnys? cur orroo dy hoiggal peccaghyn eajee nyn ayraghyn:

Hosea 5:1

Eaisht-jee rish shoh, O haggyrtyn, as cur-jee tastey, shiuish hie Israel, as jean-jee clashtyn, O hie yn ree; son ta briwnys ny chour eu, er-yn-oyr dy vel shiu er ve ny ribbey er Mizpah, as myr lieen skeaylt er Tabor.

Joel 2:12

Shen-y-fa myrgeddin nish, ta’n Chiarn dy ghra, Chyndaa-jee dy jarroo hym’s, lesh ooilley nyn gree, as lesh trostey, as lesh keayney, as lesh dobberan.

Leviticus 16:29

As shoh vees slattys kinjagh diu; ayns y chiaghtoo vee, er y jeihoo laa jeh’n vee, ver shiu nyn anmeenyn fo trimshey, as cha jean shiu veg yn obbyr, edyr eh ve fer jeh’n cheer eu hene, ny joarree ta cummal ny-vud eu.

Leviticus 26:40

My nee ad goaill-rish nyn beccaghyn, as peccaghyn nyn ayraghyn, marish ny loghtyn t’ad er n’yannoo m’oï, as myrgeddin dy vel ad er n’irree magh m’oï;

Noo Luke 15:18

Trog-ym orrym, as hem roym gys my ayr, as jir-ym rish, Ayr, ta mee er n’yannoo peccah noi niau, as kiongoyrt rhyt’s,

Joshua 18:26

As Mizpeh, as Chephirah, as Mozah,

Briwnyn 10:10

As ren cloan Israel geamagh gys y Chiarn, gra, Ta shin er n’yannoo peccah dt’oï, er-yn-oyr dy vel shin chammah er dreigeil y Jee ain, as myrgeddin er hirveish Baalim.

Briwnyn 10:15

As dooyrt cloan Israel rish y Chiarn, Ta shin er n’yannoo peccah: jean uss rooin myr hee-ys oo mie; agh livrey shin, ta shin guee ort, yn cheayrt shoh.

Briwnyn 2:4

As haink eh gy-kione, tra va ainle y Chiarn er loayrt ny goan shoh rish ooilley cloan Israel, dy hrog y pobble seose nyn goraa, as ren ad dobberan.

Briwnyn 20:23

(As hie cloan Israel seose, as ren ad dobberan fenish y Chiarn, derrey’n astyr, as hir ad coyrle jeh’n Chiarn, gra, Jem seose reesht dy chaggey noi cloan Venjamin my vraar? As dooyrt y Chiarn, Gow seose n’oï.)

Briwnyn 20:26

Eisht hie ooilley cloan Israel seose, as haink ad gys thie Yee, as hoie ad ayns shen dobberan kiongoyrt rish y Chiarn, as hrosht ad yn laa shen derrey’n astyr, as heb ad ourallyn-losht as ourallyn-shee kiongoyrt rish y Chiarn.

Briwnyn 3:10

As haink Spyrryd y Chiarn er, as ren eh briwnys Israel, as hie eh magh dy chaggey; as ren y Chiarn livrey Chushan-rishathaim ree Mesopotamia gys e laue; as va e laue er ny niartaghey noi Chushan-rishathaim.

1 Samuel 1:15

As dreggyr Hannah, as dooyrt ee, Cha nee shen myr te, my hiarn; ta mish ben dy chree seaghnit; cha vel mee er n’iu feeyn ny jough lajer, agh ta mee er n’yannoo m’accan jeean gys y Chiarn.

1 Samuel 10:17

As ren Samuel sumney yn pobble fenish y Chiarn gys Mizpeh;

1 Samuel 12:10

As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.

1 Samuel 7:15

As ren Samuel Israel y vriwnys ooilley laghyn e vea.