1 Samuel 7:5 - Yn Vible Casherick 1775 1819

⁵ As dooyrt Samuel, Lhig da ooilley Israel ve er nyn jaglym cooidjagh ec Mizpeh, as goyms padjer er nyn son gys y Chiarn.

1 Samuel 7:5 ပူးပေါင်းရင်းမြစ်များ

Genesis 20:7

Shen-y-fa, cur nish yn ven da’n dooinney: son she phadeyr eh, as gowee eh padjer er dty hon, as bee oo bio: agh mannagh der oo da ee, toig, dy bee oo dy shickyr er dty choyrt dy baase, oo hene, as ooilley ny ta lhiat’s.

Genesis 31:49

As Mizpah: son dooyrt eh, Dy jean y Chiarn arrey y reayll eddyr mish as uss, tra ta shin veih-my-cheilley.

2 Reeaghyn 25:23

As tra va ooilley captanyn ny sheshaghtyn-caggee, as ny deiney oc er chlashtyn dy row ree Vabylon er n’yannoo Gedaliah yn kiannoort, haink Ishmael mac Nethaniah, Johanan mac Chareah, as Seraiah mac Tanhumeth yn Netophathite, as Jaazaniah mac Maachathite, adsyn as ny deiney oc, gys Gedaliah ec Mizpah.

Nehemiah 9:1

Nish er y chiarroo laa as feed jeh’n vee shoh, va cloan Israel er nyn jaglym, lesh trostey, as aanrit-sack, as lesh ooir er nyn ghing.

Jeremiah 40:6

Eisht hie Jeremiah gys Gedaliah mac Ahikam, gys Mizpah, as chum eh mârish mastey yn pobble va faagit ’sy cheer.

Hosea 5:1

Eaisht-jee rish shoh, O haggyrtyn, as cur-jee tastey, shiuish hie Israel, as jean-jee clashtyn, O hie yn ree; son ta briwnys ny chour eu, er-yn-oyr dy vel shiu er ve ny ribbey er Mizpah, as myr lieen skeaylt er Tabor.

Joel 2:16

Chaggle-jee yn pobble: jean-jee yn co-chruinnaght y chasherickey; chaggle-jee yn chenndeeaght; chymsee-jee cooidjagh yn chloan, as adsyn ta jiole er y cheeagh: lhig da’n dooinney-poosee goll magh ass e hiamyr, as y ven-phoosee ass e closet.

Joshua 15:38

As Dilean, as Mizpeh, as Joktheel,

Joshua 18:26

As Mizpeh, as Chephirah, as Mozah,

Briwnyn 10:17

Eisht va cloan Ammon er nyn jaglym cooidjagh, as ren ad campal ayns Gilead: as va cloan Israel er nyn jaglym cooidjagh, as champ ad ayns Mizpeh.

Briwnyn 20:1

Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.

1 Samuel 10:17

As ren Samuel sumney yn pobble fenish y Chiarn gys Mizpeh;

1 Samuel 12:17

Nagh vel eh jiu imbagh y fouyr-churnagh? neem’s geamagh gys y Chiarn, as ver eh neose taarnagh as fliaghey; dy vod shiu goaill tastey as fakin dy mooar nyn olkys ayns shilley’n Chiarn, ayns shirrey diu hene ree.

1 Samuel 12:23

Agh er my hon’s, ny lhig eh Jee dy jinnin peccah noi’n Chiarn liorish scuirr dy ghoaill padjer er nyn son: agh nee’m gynsaghey diu yn raad mie as cairagh.

1 Samuel 7:12

Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.

1 Samuel 7:16

As hie eh dagh bleïn mygeayrt er Beth-el, as Gilgal, as Mizpeh, as ren eh Israel y vriwnys ayns ooilley ny boayllyn shen.

1 Samuel 7:4

Eisht hug cloan Israel ersooyl voue Baalim as Ashtaroth, as ren ad y Chiarn ny-lomarcan y hirveish.

1 Samuel 8:6

Agh va shoh dy mooar noi aigney Samuel, tra dooyrt ad, Cur dooin ree dy reill harrin. As ghow Samuel padjer gys y Chiarn.