1 Samuel 7:2 - Yn Vible Casherick 1775 1819

² As haink eh gy-kione, choud’s va’n arg ayns Kirjath-jearim, dy row yn traa foddey; son ve feed bleïn: as ren ooilley thie Israel dobberan, as chyndaa gys y Chiarn.

1 Samuel 7:2 ပူးပေါင်းရင်းမြစ်များ

1 Recortyssyn 13:3

As lhig dooin cur lhien reesht arg nyn Yee hooin: son cha ren shin shirrey huggey son coyrle ayns laghyn Saul.

1 Recortyssyn 13:5

Myr shen haggil David ooilley Israel cooidjagh veih Shihor jeh Egypt, eer gys slystyn Hemath, dy chur lhieu arg Yee veih Kirjath-jearim.

Jeremiah 26:20

As va dooinney myrgeddin ren phadeyrys ayns ennym y Chiarn, Urijah mac Shemaiah veih Kirjath-jearim, ren phadeyrys noi yn ard-valley shoh, as noi yn cheer shoh, casley rish ooilley goan Yeremiah:

Jeremiah 3:13

Ynrycan gow-rish dty vee-chraueeaght, dy vel oo er n’yannoo peccah noi’n Chiarn dty Yee, as er rheynn dty aigney-mie gys joarreeyn fo dy chooilley villey glass, as cha vel shiu er chur biallys da my choraa’s, ta’n Chiarn dy ghra.

Jeremiah 31:9

Hie ad magh lesh keayney, agh hig ad reesht lesh boggey: nee’m ad y leeideil liorish ny awinyn ushtey, ayns raad rea, as shooyl shickyr; son ta mish ayr da Israel, as ta Ephraim my vac shinney.

Noo Mian 5:4

Bannit t’adsyn ta dobberan: son bee ad er nyn gherjaghey.

Joshua 9:17

As ghow cloan Israel nyn yurnah, as haink ad gys ny ard-valjyn oc er y trass laa. Nish va ny ard-valjyn oc Gibeon, as Chephirah, as Beeroth, as Kirjath-jearim.

Briwnyn 2:4

As haink eh gy-kione, tra va ainle y Chiarn er loayrt ny goan shoh rish ooilley cloan Israel, dy hrog y pobble seose nyn goraa, as ren ad dobberan.

1 Samuel 7:1

As haink deiney Kirjath-jearim, as hug ad lhieu seose arg y Chiarn, as hug ad eh ayns thie Abinadab er y chronk, as ren ad Eleazar e vac y chasherickey dy reayll arg y Chiarn.

1 Samuel 7:3

As loayr Samuel rish ooilley thie Israel, gra, My ta shiu chyndaa gys y Chiarn lesh ooilley nyn gree, eisht cur-jee ersooyl ny jeeghyn joarree as Ashtaroth veih ny mast’ eu, as soie-jee nyn greeaghyn dy hirveish y Chiarn ny-lomarcan: as nee eh shiu y livrey ass laue ny Philistinee.