1 Samuel 7:12 - Yn Vible Casherick 1775 1819

¹² Eisht ghow Samuel clagh, as hoie eh eh eddyr Mizpeh as Shen, as denmys eh eh Eben-ezer, gra, Choud shoh ta’n Chiarn er chooney lhien.

1 Samuel 7:12 ပူးပေါင်းရင်းမြစ်များ

Genesis 22:14

As denmys Abraham yn ynnyd shen Jehovah-jireh: myr te er ny ghra, gys y laa shoh, Ayns cronk y Chiarn bee eh ry-akin.

Genesis 35:14

As hrog Jacob pillar ayns yn ynnyd, raad v’eh taggloo rish, eer pillar cloaie: as gheayrt eh oural-feeyney er, as ooil [dy chasherickey eh]

Psalmyn 71:17

Ta dty chairys, O Yee, feer ard, as s’mooar ny reddyn shen t’ou er n’yannoo: O Yee, quoi ta dy ve er ny hoylaghey hood’s!

Psalmyn 71:6

Ta mee er jeet dy ve shilley agglagh da ymmodee: agh ta my hreishteil shickyr aynyd’s.

Exodus 17:15

As hrog Moses altar, as denmys eh eh Jehovah-nissi.

Isaiah 19:19

Ayns y laa shen vees altar da’n Chiarn ayns mean cheer Egypt, as pillar ayns e ardjyn sodjey magh gys y Chiarn.

Jannoo 26:22

Lesh y cooney er-y-fa shen hooar mee veih Jee, ta mee er-mayrn gys y laa t’ayn jiu, gymmyrkey feanish chammah gys beg as mooar, fegooish nhee erbee sodjey y ghra na dooyrt ny phadeyryn as Moses harragh gy-kione:

2 Corinthianee 1:10

Eh ren livrey shin veih baase cha dewil, as ta livrey shin: aynsyn ta shin treishteil dy jean eh foast livrey shin:

Joshua 4:9

As ren Joshua soiaghey seose daa chlagh jeig ayns mean Yordan, ayns yn eer ynnyd ren cassyn ny saggyrtyn dymmyrk arg y chonaant shassoo er: as t’ad ayns shen gys y laa t’ayn jiu.

1 Samuel 14:35

As hrog Saul altar gys y Chiarn: shen va’n chied altar hrog eh gys y Chiarn.

1 Samuel 4:1

As va aigney’n Chiarn er ny hoilshaghey liorish Samuel da ooilley Israel. Nish hie Israel magh dy chaggey noi ny Philistinee, ren ad campal liorish Eben-ezer; as ren ny Philistinee campal ayns Aphek.

1 Samuel 5:1

As ghow ny Philistinee arg Yee, as hug ad lhieu eh veih Eben-ezer gys Ashdod.

1 Samuel 7:11

As hie deiney Israel magh veih Mizpeh, as deiyr ad er ny Philistinee, as woaill ad ad derrey Beth-car.