1 Samuel 6:9 - Yn Vible Casherick 1775 1819

⁹ As gow-jee tastey, my te goll seose rish raad ny ardjyn echey hene lesh Beth-shemesh, she eshyn eisht t’er choyrt yn kerraghey trome shoh orrin: agh mannagh gow eh yn raad shen, eisht bee fys ain nagh nee’n laue echeysyn ren shin y woalley; cha row eh agh lhag-haghyrt haink orrin.

1 Samuel 6:9 ပူးပေါင်းရင်းမြစ်များ

2 Samuel 1:6

As dreggyr yn dooinney aeg dinsh da, Myr haghyr dou cheet er slieau Gilboa, cur-my-ner, va Saul croymmey er e shleiy; as cur-my-ner, va ny fainee as ny markee chionney dy creoi er e eiyrt’s.

1 Reeaghyn 4:9

Mac Dekar, ayns Makaz, as ayns Shaalbim, as Beth-shemesh, as Elon-beth-hanan.

2 Recortyssyn 25:21

Myr shoh hie Joash ree Israel seose, as honnick ad y cheilley noi-ry-hoi, chammah eh-hene as Amaziah ree Yudah, ec Beth-shemesh, ayns Judah.

Exodus 8:15

Agh tra honnick Pharaoh, dy row couyr, ren eh e chree y chreoghey, as cha dug eh clashtyn daue; myr va’n Chiarn er ghra.

Ecclesiastes 9:11

Ghow mee smooinaght elley, as honnick mee fo’n ghrian, nagh row yn race lesh y vieau, ny’n caggey lesh y niartal, ny foast arran ec deiney creeney ny foast berchys ec deiney tushtagh, ny foast foayr ec deiney schleioil; agh ta traa as taghyrt cheet orroo ooilley.

Isaiah 26:11

Hiarn, tra ta dty laue troggit seose, cha der ad geill da: agh shegin daue fakin eh, as gowee ad nearey son nyn roon noi yn pobble; dy jarroo, nee aile dty noidyn ad y stroie.

Amos 3:6

Bee trumpet er ny heidey ayns yn ard-valley, as gyn y pobble ve agglit? bee seaghyn ayn, as nagh nee yn Chiarn t’er n’yannoo eh?

Noo Luke 10:31

As haghyr eh da saggyrt dy row goll sheese y raad shen; as tra honnick eh eh, hie eh shaghey er y derrey heu jeh.

Joshua 15:10

As hie’n chagliagh mygeayrt veih Baalah lesh y sheear gys cronk Seir, as veih shen derrey slyst cronk Jearim (ta Chesalon) er y twoaie, as hie eh sheese gys Beth-shemesh, as veih shen gys Timnah:

Joshua 21:16

As Ain lesh e gleebyn, as Juttah lesh e gleebyn, as Beth-shemesh lesh e gleebyn; nuy ard-valjyn ass y daa hribe shen.

1 Samuel 6:10

As ren ny deiney myr shen; as ghow ad daa voa vluight, as hug ad ad fo’n chart, as yeigh ad seose ny lheiyee oc ec y thie.

1 Samuel 6:12

As hie ny baa jeeragh er nyn doshiaght gys Beth-shemesh, ghow ad y raad-mooar, geamagh myr v’ad goll, as cha hyndaa ad dy lhiattee gys y laue yesh ny’n laue hoshtal: as hie chiarnyn ny Philistinee geiyrt orroo gys oirr Veth-shemesh.

1 Samuel 6:3

As dooyrt ad, My ver shiu ersooyl arg Yee Israel, ny lhig da goll follym; agh Bee-jee shickyr dy hebbal da oural-loght: eisht bee shiu er nyn lheihys, as nee shiu toiggal cre’n-oyr nagh vel e laue er ny scughey veue.