1 Samuel 6:7 - Yn Vible Casherick 1775 1819

⁷ Nish er-y-fa shen, jean-jee cart noa, as gow-jee daa voa vluight nagh row rieau fo’n whing, as cur-jee ny baa fo’n chart, as cur-jee lhieu ny lheiyee thie voue:

1 Samuel 6:7 ပူးပေါင်းရင်းမြစ်များ

2 Samuel 6:3

As hoie ad arg Yee er cart noa, as hug ad lhieu eh ass thie Abinadab v’ayns Gibeah: as Uzza as Ahio, mec Abinadab, deiyr y chart noa.

1 Recortyssyn 13:7

As chur ad lhieu arg Yee ayns cart noa, ass thie Abinadab; as Uzza as Ahio ren geiyrt y chart.

Earrooyn 19:2

Shoh oardagh y leigh ta’n Chiarn er harey, gra, Loayr rish cloan Israel, dy der ad lhieu hood colbagh ruy fegooish spot, as fegooish cron erbee, as nagh row rieau fo’n whing.

Deuteronomy 21:3

As nee shanstyr yn ard-valley shen, ta by-niessey da’n dooinney marroo, colbagh y ghoaill nagh row rieau obbrit, ny er hayrn ’sy whing.

Deuteronomy 21:4

As ver shanstyr yn ard-valley shen lhieu sheese yn cholbagh gys glione reeastaneagh, nagh vel traaueit, ny cuirt, as ver ad y kione jeh’n cholbagh ayns shen ’sy ghlione.