1 Samuel 6:4 - Yn Vible Casherick 1775 1819

⁴ Eisht dooyrt ad, Cre vees yn oural-loght ver mayd da? Dreggyr ad, Queig pileyn airhey, as queig loaghee airhey, cordail rish earroo chiarnyn ny Philistinee: son va’n un cherraghey erriu ooilley, as er ny chiarnyn eu.

1 Samuel 6:4 ပူးပေါင်းရင်းမြစ်များ

Exodus 12:35

As ren cloan Israel cordail rish sarey Voses: as deeasee ad veih ny Egyptianee jewellyn argid, as jewellyn airh, as coamrey.

Joshua 13:3

Veih Sihor, ta liorish Egypt, choud’s ardjyn Ekron my-hwoaie, ta lesh ny Canaaniteyn: queig chiarnyn jeh ny Philistinee; ny Gazathiteyn, as ny Ashdothiteyn, ny Eshkaloniteyn, ny Gittiteyn, as ny Ekroniteyn; myrgeddin ny Aviteyn:

Briwnyn 14:19

As haink Spyrryd y Chiarn er, as hie eh sheese gys Ashkelon, as varr eh jeih deiney as feed jeu, as ghow eh yn spooilley oc, as hug eh caghlaaghyn garmad dauesyn hooar magh yn raa-dorraghey: as va farg er, as hie eh seose gys thie e ayrey.

Briwnyn 3:3

Ta shen, queig chiarnyn jeh ny Philistinee, as ooilley ny Canaaniteyn, as ny Sidonianee, as ny Hiviteyn va cummal ayns slieau Lebanon, veih slieau Baal-hermon derrey hig oo gys Hamath.

1 Samuel 5:12

As ny deiney nagh dooar baase v’ad bwoailt lesh ny chingyn: as va eam yn ard-valley feer atchimagh.

1 Samuel 5:6

Agh va laue y Chiarn trome er cummaltee Ashdod; as ren eh ad y stroie, as woaill eh ad lesh ny pileyn, eer Ashdod as e ardjyn.

1 Samuel 5:9

As ve myr shen, lurg daue ve er choyrt lhieu eh mygeayrt, dy row laue’n Chiarn noi’n ard-valley lesh paitt trome: as woaill eh deiney’n ard-valley, chammah beg as mooar, as va bleaynyn oc ayns nyn gurpyn.

1 Samuel 6:5

Shen-y-fa nee shiu cummey ’yannoo goll-rish ny pileyn, as caslys jeh ny loaghee ta cur mow yn thalloo; as ver shiu gloyr da Jee Israel: foddee dy jean eh scughey e laue veue, as veih ny jeeghyn eu, as veih’n cheer eu.

1 Samuel 6:8

As gow-jee arg y Chiarn, as cur-jee eh er y chart: as cur-jee ny jewellyn airhey, ta shiu dy hebbal da son oural-loght, ayns box rish lhiattee’n arg; as cur-jee eh ersooyl, dy vod eh goll voïn.