1 Samuel 6:20 - Yn Vible Casherick 1775 1819

²⁰ As dooyrt deiney Veth-shemesh, Quoi oddys shassoo kiongoyrt rish y Chiarn Jee casherick shoh? as c’raad hed eh nish voïnyn?

1 Samuel 6:20 ပူးပေါင်းရင်းမြစ်များ

2 Samuel 6:7

As va corree’n Chiarn er ny vrasnaghey noi Uzzah, as woaill Jee eh ayns shen son e ghaanys, as ayns shen hooar eh baase, liorish arg Yee.

2 Samuel 6:9

As va aggle er David roish y Chiarn yn laa shen, as dooyrt eh, Cre’n aght hig arg yn Chiarn hym’s?

Psalmyn 76:7

T’ou uss, dy jarroo uss as aggle dy ve er ny ghoaill royd: as quoi oddys shassoo ayns dty hilley tra t’ou corree?

Leviticus 11:44

Son mish y Chiarn y Jee eu: nee shiu er-y-fa shen shiu hene y chasherickey, as bee shiu casherick, son ta mish casherick; chamoo nee shiu neu-ghlen jiu hene lesh keint erbee dy red snauee t’er yn ooir.

Leviticus 11:45

Son ta mish y Chiarn, hug lhiam shiu magh ass cheer Egypt, dy ve yn Jee eu: bee-jee shiuish er-y-fa shen casherick, son ta mish casherick.

Malachi 3:2

Agh quoi oddys gymmyrkey laa yn cheet echey? as quoi nee shassoo, tra hig eshyn kionfenish? son t’eh goll-rish yn aile echeysyn ta lheïe meayn, as myr sheeabyn y ghialleyder.

Noo Luke 5:8

Tra honnick Simon Peddyr shoh, huitt eh sheese ec glioonyn Yeesey, gra, Immee voym, son ta mee my ghooinney peccoil, O Hiarn.

Noo Luke 8:37

Eisht ren y slane chaglym jeh cheer ny Gadarenee mygeayrt, guee er eh dy gholl roish: son va aggle mooar er duittym orroo: as hie eh er-board yn lhong, as hyndaa eh back reesht.

Ashlish 6:17

Son ta laa mooar e yymmoose er jeet, as quoi oddys shassoo?

1 Samuel 5:7

As tra honnick deiney Ashdod dy nee shoh myr ve, dooyrt ad, Cha bee arg Yee Israel ny sodjey mârin, son ta’n laue echey trome orrin, as er Dagon y jee ain.