1 Samuel 6:2 - Yn Vible Casherick 1775 1819

² As deïe ny Philistinee er ny saggyrtyn as er ny fir-obbee, gra, Cre nee mayd rish arg y Chiarn? insh-jee dooin cre’n aght ver mayd eh gys e ynnyd hene.

1 Samuel 6:2 ပူးပေါင်းရင်းမြစ်များ

Genesis 41:8

As haink eh gy-kione ’sy voghrey, dy row e aigney seaghnit, as hug eh fys, as deïe eh er ooilley fir-obbee Egypt, as ooilley ny deiney creeney v’ayn; as dinsh Pharaoh e ghreamal daue; agh cha row unnane oddagh toiggal y choyrt da Pharaoh jeu.

Exodus 7:11

Eisht hug Pharaoh myrgeddin fys er ny deiney creeney as ny fir-obbee: nish ren fir-obbee Egypt neesht, er yn aght cheddin, lesh nyn obbeeys:

Isaiah 2:6

Shen-y-fa t’ou er hreigeil dty phobble thie Yacob, son dy vel ad er vishaghey [ayns obbeeys] veih’n niar, as dy vel ad fir-faishnee myr ny Philistinee, as t’ad goaill taitnys ayns cloan yoarree.

Daniel 2:2

Eisht doardee yn ree dy eamagh er ny deiney-creeney, as ny rollageydee, as ny fir-ysseree, as ny Caldeanee, dy hoilshaghey da’n ree e ghreamallyn: myr shen haink ad, as hass ad fenish y ree.

Daniel 5:7

Dyllee yn ree dy ard, ad dy chur lhieu stiagh ny rollageydee, ny Caldeanee, as ny fir-ysseree: as loayr y ree, as dooyrt eh rish deiney-creeney Vabylon, Quoi-erbee lhaihys yn screeu shoh, as ver dooys bun er, bee eh er ny choamrey lesh scarleod, as boandey airhey mysh e wannal, as bee eh yn trass reiltagh ’sy reeriaght.

Noo Mian 2:4

As tra v’eh er sumney cooidjagh ooilley ny ard-saggyrtyn, as scrudeyryn y phobble, dênee eh jeu cre’n raad va Creest dy heet er y theihll.

1 Samuel 5:8

Hug ad er-y-fa shen fys, as haggil ad ooilley chiarnyn ny Philistinee huc, as dooyrt ad, Cree nee mayd lesh arg Yee Israel? As dreggyr ad, Lhig da arg Yee Israel ve er ny choyrt lesh mygeayrt gys Gath. As hug ad lhieu arg Yee Israel mygeayrt gys shen.

1 Samuel 6:1

As va arg y Chiarn ayns cheer ny Philistinee shiaght meeaghyn.