1 Samuel 6:19 - Yn Vible Casherick 1775 1819

¹⁹ As woaill eh jeh ny Beth-shemiteyn, son dy yeeagh ad stiagh ayns arg y Chiarn, three-feed as jeih deiney jeh jeih thousaneyn as da-eed. As ren y pobble dobberan, er-yn-oyr dy row’n Chiarn er woalley whilleen jeh’n pobble lesh baase dewil.

1 Samuel 6:19 ပူးပေါင်းရင်းမြစ်များ

2 Samuel 6:7

As va corree’n Chiarn er ny vrasnaghey noi Uzzah, as woaill Jee eh ayns shen son e ghaanys, as ayns shen hooar eh baase, liorish arg Yee.

2 Recortyssyn 25:21

Myr shoh hie Joash ree Israel seose, as honnick ad y cheilley noi-ry-hoi, chammah eh-hene as Amaziah ree Yudah, ec Beth-shemesh, ayns Judah.

Exodus 19:21

As dooyrt y Chiarn rish Moses, Immee sheese, cur currym er y pobble, nagh brish ad stiagh er y Chiarn dy ghoaill yindys, as dy jean mooarane jeu cherraghtyn.

Exodus 33:4

As tra cheayll y pobble yn skeeal trimshagh shoh, ren ad dobberan; as cha dug dooinney erbee er e choamrey-feailley.

Earrooyn 1:51

As tra ta’n cabbane-agglish dy ve er ny scughey er y hoshiaght, gowee ny Leviteyn sheese eh: as tra ta’n cabbane-agglish dy ve er ny hoiaghey seose, nee ny Leviteyn y hroggal eh: as bee’n joarree hig ny choair, er ny choyrt dy baase.

Earrooyn 4:15

As tra vees Aaron as e vec erreish coodaghey yn ynnyd casherick, as ooilley ny siyn casherick, myr ta’n camp dy gholl er y hoshiaght; lurg shen, hig mec Kohath dy choyrt lhieu eh; agh cha negin daue bentyn rish nhee casherick erbee, er-aggle dy vow ad baase. Ta ny reddyn shoh errey mec Kohath, ayns cabbane-agglish y cheshaght.

Earrooyn 4:18

Ny jean-jee giarey jeh sluight kynney ny Kohathiteyn, veih mastey ny Leviteyn.

Earrooyn 4:20

Agh cha jed ad stiagh dy yeeaghyn tra ta ny reddyn casherick er nyn goodaghey: er-aggle dy vow ad baase.

Deuteronomy 29:29

Ta folliaghtyn bentyn gys y Chiarn nyn Yee; agh ta ny reddyn shen ta er ny hoilshaghey, bentyn dooinyn, as da nyn gloan son dy bragh, dy vod mayd ooilley goan y leigh shoh y chooilleeney.

Colossianee 2:18

Ny lhig da dooinney erbee shiu y volley jeh nyn leagh, lesh injillid-aigney foalsey, as cur ooashley da ainleyn, goaill er dy choyrt coontey jeh ny reddyn shen nagh vel eh er vakin, dy fardalagh er ny heidey seose liorish aigney ny foalley;

1 Peddyr 4:17

Son ta’n traa tayrn er-gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?