1 Samuel 6:17 - Yn Vible Casherick 1775 1819

¹⁷ As shoh ny pileyn airhey heb ny Philistinee son oural-loght gys y Chiarn; son Ashdod unnane, son Gaza unnane, son Ekron unnane:

1 Samuel 6:17 ပူးပေါင်းရင်းမြစ်များ

2 Samuel 1:20

Ny insh-jee shoh ayns Gath, ny lhig da ve focklit magh ayns straidyn Askelon; er-aggle dy gow inneenyn ny Philistinee boggey, as dy jean inneenyn ny chymmyltee boggyssagh.

2 Samuel 21:22

Va’n chiare shoh ruggit da’n foawr ayns Gath, as huitt ad liorish laue Ghavid, as liorish laue e harvaantyn.

2 Reeaghyn 1:2

As huitt Ahaziah sheese trooid uinniag veih ard shamyr e hie ayns Samaria, as v’eh broojit: as hug eh chaghteryn, as dooyrt eh roo, Immee-jee, as brie-jee jeh Baal-zebub jee Ekron, jean-yms coural jeh’n doghan shoh.

2 Recortyssyn 26:6

As hie eh magh as ren eh caggey noi ny Philistinee, as lhieg eh sheese voallaghyn Ghath, as voallaghyn Jabneh, as voallaghyn Ashdod as hrog eh ard-valjyn mygeayrt-y-mysh Ashdod, as mastey ny Philistinee.

Jeremiah 25:20

As slane shiartanse ny ashoonyn-quaagh as joarree, as ooilley reeaghyn thalloo Uz, as ooilley reeaghyn thalloo ny Philistinee, as Ashkelon, as Azzah, as Ekron, as fooilliagh Ashdod,

Leviticus 5:7

As mannagh vel fort echey dy chur lesh eayn, eisht ver eh lesh son e loght t’eh er n’yannoo daa chalmane-turtle, ny daa eean calmane gys y Chiarn, unnane son oural-peccah, as unnane, son oural-losht.

Amos 1:6

Shoh myr ta’n Chiarn dy ghra, Son three ard-pheccaghyn Ghaza, as son kiare cha jyndaa-ym ersooyl e cherraghey: er-yn-oyr dy dug ad lhieu ersooyl, yn slane cappeeys, dy livrey ad seose gys Edom.

Amos 6:2

Immee-jee harrish gys Calneh, as cur-jee my-ner, as veih shen gow-jee gys Hemath mooar: eisht immee-jee sheese gys Gath ny Philistinee: vel ad shen ny share na ny reeriaghtyn shoh? ny’n chagliagh ocsyn ny s’lhea na’n chagliagh euish?

Deuteronomy 28:27

Nee’n Chiarn oo y woalley lesh askaidyn Egypt, lesh ny pileyn, as lesh y screb, as lesh y taghys, nagh vod v’er ny lheihys.

Briwnyn 1:18

Ghow Judah myrgeddin Gaza as e ardjyn, as Askelon as e ardjyn, as Ekron as e ardjyn.

Briwnyn 14:19

As haink Spyrryd y Chiarn er, as hie eh sheese gys Ashkelon, as varr eh jeih deiney as feed jeu, as ghow eh yn spooilley oc, as hug eh caghlaaghyn garmad dauesyn hooar magh yn raa-dorraghey: as va farg er, as hie eh seose gys thie e ayrey.

Briwnyn 16:1

Eisht hie Samson gys Gaza, as honnick eh ayns shen ben oainjyragh, as ghow eh aaght mâree.

Briwnyn 16:21

As ghow ny Philistinee eh, as chur ad e hooillyn ass, as hug ad lhieu eh sheese gys Gaza, as chiangle ad eh lesh geulaghyn prash, as hug ad er blieh ayns thie yn phryssoon.

1 Samuel 5:1

As ghow ny Philistinee arg Yee, as hug ad lhieu eh veih Eben-ezer gys Ashdod.

1 Samuel 5:10

Shen-y-fa hug ad arg Yee gys Ekron. As haink eh gy-kione, myr haink arg Yee gys Ekron, dy deïe ny Ekroniteyn magh, gra, T’ad er chur lhieu mygeayrt arg Yee Israel hooinyn, dy stroie shin as y pobble ain.

1 Samuel 5:8

Hug ad er-y-fa shen fys, as haggil ad ooilley chiarnyn ny Philistinee huc, as dooyrt ad, Cree nee mayd lesh arg Yee Israel? As dreggyr ad, Lhig da arg Yee Israel ve er ny choyrt lesh mygeayrt gys Gath. As hug ad lhieu arg Yee Israel mygeayrt gys shen.

1 Samuel 6:4

Eisht dooyrt ad, Cre vees yn oural-loght ver mayd da? Dreggyr ad, Queig pileyn airhey, as queig loaghee airhey, cordail rish earroo chiarnyn ny Philistinee: son va’n un cherraghey erriu ooilley, as er ny chiarnyn eu.