1 Samuel 6:12 - Yn Vible Casherick 1775 1819

¹² As hie ny baa jeeragh er nyn doshiaght gys Beth-shemesh, ghow ad y raad-mooar, geamagh myr v’ad goll, as cha hyndaa ad dy lhiattee gys y laue yesh ny’n laue hoshtal: as hie chiarnyn ny Philistinee geiyrt orroo gys oirr Veth-shemesh.

1 Samuel 6:12 ပူးပေါင်းရင်းမြစ်များ

1 Reeaghyn 4:9

Mac Dekar, ayns Makaz, as ayns Shaalbim, as Beth-shemesh, as Elon-beth-hanan.

Exodus 8:15

Agh tra honnick Pharaoh, dy row couyr, ren eh e chree y chreoghey, as cha dug eh clashtyn daue; myr va’n Chiarn er ghra.

Earrooyn 20:19

As dooyrt cloan Israel rish, Gow mayd er y raad-mooar: as my neem’s as my vaase giu jeh dty ushtey, eisht eeck-ym er y hon: hem trooid rish my chosh, fegooish assee erbee sodjey.

Joshua 15:10

As hie’n chagliagh mygeayrt veih Baalah lesh y sheear gys cronk Seir, as veih shen derrey slyst cronk Jearim (ta Chesalon) er y twoaie, as hie eh sheese gys Beth-shemesh, as veih shen gys Timnah:

1 Samuel 6:11

As hug ad arg y Chiarn er y chart, as y box lesh ny loaghee airhey, as cummey ny pileyn.

1 Samuel 6:13

As va deiney Veth-shemesh buinn y fouyr-churnagh ayns y choan: as hrog ad seose nyn sooillyn, as honnick ad yn arg, as ghow ad boggey dy akin eh.

1 Samuel 6:9

As gow-jee tastey, my te goll seose rish raad ny ardjyn echey hene lesh Beth-shemesh, she eshyn eisht t’er choyrt yn kerraghey trome shoh orrin: agh mannagh gow eh yn raad shen, eisht bee fys ain nagh nee’n laue echeysyn ren shin y woalley; cha row eh agh lhag-haghyrt haink orrin.