1 Samuel 5:9 - Yn Vible Casherick 1775 1819

⁹ As ve myr shen, lurg daue ve er choyrt lhieu eh mygeayrt, dy row laue’n Chiarn noi’n ard-valley lesh paitt trome: as woaill eh deiney’n ard-valley, chammah beg as mooar, as va bleaynyn oc ayns nyn gurpyn.

1 Samuel 5:9 ပူးပေါင်းရင်းမြစ်များ

Psalmyn 78:66

Myr shen ghooisht yn Chiarn myr fer ass cadley: as myr foawr er ny niartaghey lesh feeyn;

Amos 5:19

Myr dooinney ta chea veih lion, as meeiteil muc-awin: ny goll stiagh gys e hie, as lhie e laue er y voalley, as ard-nieu dy lhottey eh.

Deuteronomy 2:15

Son va dy jarroo laue’n Chiarn noi oc, dy stroie ad veih mastey’n cheshaght, derrey hie ad ooilley naardey.

1 Samuel 12:15

Agh mannagh der shiu biallys da coraa’n Chiarn, agh girree-magh noi sarey’n Chiarn, eisht bee laue y Chiarn nyn ’oï, myr ve noi nyn ayraghyn.

1 Samuel 5:10

Shen-y-fa hug ad arg Yee gys Ekron. As haink eh gy-kione, myr haink arg Yee gys Ekron, dy deïe ny Ekroniteyn magh, gra, T’ad er chur lhieu mygeayrt arg Yee Israel hooinyn, dy stroie shin as y pobble ain.

1 Samuel 5:11

Myr shen hug ad fys, as haggil ad ooilley chiarnyn ny Philistinee, as dooyrt ad, Cur-jee ersooyl arg Yee Israel, as lhig da goll reesht gys e ynnyd hene, nagh jean eh shin hene, as y pobble ain y stroie: son va cragh baaish trooid ooilley’n ard-valley; va laue Yee feer trome orroo.

1 Samuel 5:6

Agh va laue y Chiarn trome er cummaltee Ashdod; as ren eh ad y stroie, as woaill eh ad lesh ny pileyn, eer Ashdod as e ardjyn.

1 Samuel 6:11

As hug ad arg y Chiarn er y chart, as y box lesh ny loaghee airhey, as cummey ny pileyn.

1 Samuel 7:13

Myr shoh hooar ad barriaght er ny Philistinee, nagh daink ad arragh gys ardjyn Israel: as va laue’n Chiarn noi ny Philistinee ooilley laghyn Samuel.