1 Samuel 5:8 - Yn Vible Casherick 1775 1819

⁸ Hug ad er-y-fa shen fys, as haggil ad ooilley chiarnyn ny Philistinee huc, as dooyrt ad, Cree nee mayd lesh arg Yee Israel? As dreggyr ad, Lhig da arg Yee Israel ve er ny choyrt lesh mygeayrt gys Gath. As hug ad lhieu arg Yee Israel mygeayrt gys shen.

1 Samuel 5:8 ပူးပေါင်းရင်းမြစ်များ

1 Recortyssyn 7:21

As Zabad e vac, as Shuthelah e vac, as Ezer, as Elead, ren deiney Ghath va ruggit ’sy cheer shen y varroo, er-yn-oyr dy daink ad neose dy ghoaill ersooyl yn ollagh oc.

Amos 6:2

Immee-jee harrish gys Calneh, as cur-jee my-ner, as veih shen gow-jee gys Hemath mooar: eisht immee-jee sheese gys Gath ny Philistinee: vel ad shen ny share na ny reeriaghtyn shoh? ny’n chagliagh ocsyn ny s’lhea na’n chagliagh euish?

Zechariah 12:3

As ayns y laa shen neem’s Jerusalem clagh hrome son dy chooilley phobble: bee dagh unnane ta laadey eh-hene lh’ee er ny vroo gys peeshyn, ga dy bee ooilley pobble ny hooirey er nyn jaglym cooidjagh noi eck.

Joshua 13:3

Veih Sihor, ta liorish Egypt, choud’s ardjyn Ekron my-hwoaie, ta lesh ny Canaaniteyn: queig chiarnyn jeh ny Philistinee; ny Gazathiteyn, as ny Ashdothiteyn, ny Eshkaloniteyn, ny Gittiteyn, as ny Ekroniteyn; myrgeddin ny Aviteyn:

Joshua 15:11

As hie’n chagliagh magh my-hwoaie, gys lhiattee Ekron: as va’n chagliagh er ny hayrn gys Shicron, as roie eh jeeragh magh gys cronk Baalah, as hie eh magh gys Jabneel; as va kione sodjey magh y chagliagh ec yn aarkey.

1 Samuel 17:4

As hie champion magh ass camp ny Philistinee, enmyssit Goliath, jeh Gath, va nuy trieyn as reaish er yrjid.

1 Samuel 17:52

As dirree deiney Israel as Judah, as dyllee ad, as deiyr ad er ny Philistinee, derrey haink ad gys y choan, as gys giattyn Ekron: as huitt ymmodee jeh ny Philistinee va lhottit er y raad gys Shaaraim, eer gys Gath, as gys Ekron.

1 Samuel 29:6

Eisht deïe Achish er David, as dooyrt eh rish, Son shickyrys, myr ta’n Chiarn bio, t’ou er ny ve ynrick, gymmyrkey oo-hene myr sidoor mie, goll magh as stiagh mârym ’sy chaggey; son cha vel mee er gheddyn foill erbee aynyd, er-dyn traa haink oo hym gys y laa shoh: ny-yeih, cha vel ny chiarnyn booiagh jeed.

1 Samuel 5:11

Myr shen hug ad fys, as haggil ad ooilley chiarnyn ny Philistinee, as dooyrt ad, Cur-jee ersooyl arg Yee Israel, as lhig da goll reesht gys e ynnyd hene, nagh jean eh shin hene, as y pobble ain y stroie: son va cragh baaish trooid ooilley’n ard-valley; va laue Yee feer trome orroo.

1 Samuel 5:7

As tra honnick deiney Ashdod dy nee shoh myr ve, dooyrt ad, Cha bee arg Yee Israel ny sodjey mârin, son ta’n laue echey trome orrin, as er Dagon y jee ain.

1 Samuel 6:2

As deïe ny Philistinee er ny saggyrtyn as er ny fir-obbee, gra, Cre nee mayd rish arg y Chiarn? insh-jee dooin cre’n aght ver mayd eh gys e ynnyd hene.