1 Samuel 5:7 - Yn Vible Casherick 1775 1819

⁷ As tra honnick deiney Ashdod dy nee shoh myr ve, dooyrt ad, Cha bee arg Yee Israel ny sodjey mârin, son ta’n laue echey trome orrin, as er Dagon y jee ain.

1 Samuel 5:7 ပူးပေါင်းရင်းမြစ်များ

2 Samuel 6:9

As va aggle er David roish y Chiarn yn laa shen, as dooyrt eh, Cre’n aght hig arg yn Chiarn hym’s?

1 Recortyssyn 15:13

Son er-yn-oyr nagh ren shiu shoh ec y toshiaght, ta’n Chiarn nyn Yee er n’yannoo brishey orrin, son nagh hir shin eh myr v’eh hene er harey.

Exodus 10:7

As dooyrt fir-oik Pharaoh rish, Caïd vees y dooinney shoh ny ribbeh dooin? lhig y raad da ny deiney, dy vod ad shirveish y Chiarn y Jee oc; nagh vel fys ayd foast, dy vel Egypt mow?

Exodus 12:33

As ren ny Egyptianee chionney er y pobble dy gheddyn ad dy tappee ersooyl ass y cheer; son dooyrt ad, Deiney marroo shin ooilley.

Exodus 8:28

As dooyrt Pharaoh, Lhig-ym y raad diu, dy vod shiu ouralley gys y Chiarn y Jee eu ayns yn aasagh; agh ny gow shiu foddey jeh: guee shiu er my hon.

Exodus 8:8

Er shoh hug Pharaoh fys er Moses as Aaron, as dooyrt eh, Guee-jee gys y Chiarn, dy gow eh ersooyl ny froggyn voym, as voish my phobble; as lhig-yms y raad da’n pobble, dy hebbal oural gys y Chiarn.

Exodus 9:28

Guee-jee gys y Chiarn, (son s’lioar eh,) nagh bee arragh dy haarneeyn agglagh, as sniaghtey-garroo ayn; as neem’s y raad y lhiggey diu, as cha n’uirree shiu ny sodjey.

Jeremiah 46:25

Ta’n Chiarn dy heshaghtyn-flaunyss, Jee Israel, dy ghra, Cur-my-ner, kerree-yms No earrooagh, as Pharaoh, as Egypt, marish ny jeeghyn oc, as nyn reeaghyn; dy feer, Pharaoh, as adsyn ooilley ta treishteil ayn;

Jeremiah 48:7

Er-yn-oyr dy vel oo er hreishteil ayns obbyr dty laueyn hene, as ayns dty verchys, bee uss myrgeddin goit; as hed Chemosh magh ayns cappeeys, marish e haggyrtyn as e phrinceyn dy cheilley.

1 Samuel 4:8

Smerg dooin! quoi nee shin y livrey ass laue ny Jeeghyn niartal shoh? ad shoh ny Jeeghyn woaill ny Egyptianee lesh whilleen kerraghey ’syn aasagh.

1 Samuel 5:6

Agh va laue y Chiarn trome er cummaltee Ashdod; as ren eh ad y stroie, as woaill eh ad lesh ny pileyn, eer Ashdod as e ardjyn.

1 Samuel 5:8

Hug ad er-y-fa shen fys, as haggil ad ooilley chiarnyn ny Philistinee huc, as dooyrt ad, Cree nee mayd lesh arg Yee Israel? As dreggyr ad, Lhig da arg Yee Israel ve er ny choyrt lesh mygeayrt gys Gath. As hug ad lhieu arg Yee Israel mygeayrt gys shen.

1 Samuel 6:20

As dooyrt deiney Veth-shemesh, Quoi oddys shassoo kiongoyrt rish y Chiarn Jee casherick shoh? as c’raad hed eh nish voïnyn?