1 Samuel 4:7 - Yn Vible Casherick 1775 1819

⁷ As va aggle er ny Philistinee, son dooyrt ad, Ta Jee er jeet gys y champ. As dooyrt ad, Smerg dooinyn! son cha vel lheid y red er ve jeant roïe.

1 Samuel 4:7 ပူးပေါင်းရင်းမြစ်များ

Exodus 14:14

Nee’n Chiarn caggey er nyn son, as bee-jee shiuish nyn dhost.

Exodus 14:25

As hug eh lieh-chiartys er queeylyn ny fainee oc, dy doillee daue ad y imman: er shoh dooyrt ny Egyptianee, Lhig dooin chea ersooyl veih eddin Israel; son ta’n Chiarn caggey nyn lieh, noi ny Egyptianee.

Deuteronomy 32:30

Nagh jinnagh eisht un dooinney gimman ersooyl thousane, as daa ghooinney jeih thousaneyn, agh dy row nyn Greg er chreck ad, as y Chiarn er n’yeigh ad seose?

1 Samuel 4:6

As tra cheayll ny Philistinee feiyr yn yllagh, dooyrt ad, Cre’n yllagh mooar shoh ayns camp ny Hebrewnee? As hoig ad dy row arg y Chiarn er jeet gys y champ.

1 Samuel 4:8

Smerg dooin! quoi nee shin y livrey ass laue ny Jeeghyn niartal shoh? ad shoh ny Jeeghyn woaill ny Egyptianee lesh whilleen kerraghey ’syn aasagh.