1 Samuel 4:5 - Yn Vible Casherick 1775 1819

⁵ As tra va arg conaant y Chiarn er jeet gys y champ, dyllee ooilley Israel lesh ard choraa, dy ren eer y thalloo craa lesh.

1 Samuel 4:5 ပူးပေါင်းရင်းမြစ်များ

2 Samuel 15:24

As cur-my-ner, va Zadok neesht, as ooilley ny Leviteyn mârish, gymmyrkey arg conaant Yee: as lhig ad sheese arg Yee; as hie Abiathar seose, derrey va ooilley’n pobble er n’gholl magh ass yn ard-valley.

1 Reeaghyn 1:40

As haink ooilley’n pobble seose geiyrt er; as ren y pobble bingys lesh greïnyn-kiaullee, as v’ad ayns ard-voggey, ayns wheesh as dy ren y thalloo craa lesh y feiyr oc.

Lioar Yob 20:5

Nagh vel mooaralys ny mee-chrauee agh giare, as nagh vel boggey yn chrauee-oalsey agh son shallid?

Jeremiah 7:4

Ny cur-jee nyn marrant er goan fardalagh, gra, Chiamble y Chiarn, Chiamble y Chiarn, Chiamble y Chiarn, ad shoh.

Amos 6:3

Shiuish ta scughey yn laa seaghnagh foddey veue, as soie er stoyl-briwnys y tranlaase;

Micah 2:11

My ta dooinney gimmeeaght ayns spyrryd dy oalsaght, cur rish breagyn, gra, Nee’m phadeyrys dhyt mychione feeyn as jough lajer; bee eshyn eer phadeyr yn phobble shoh.

Joshua 6:20

Myr shen dyllee yn pobble myr va ny saggyrtyn sheidey ny cayrnyn: as haink eh gy-kione tra cheayll y pobble feiyr y chayrn, as dy row’n pobble er n’yllagh lesh coraa ard, dy ren y voalley tuittym sheese kiart rish y thalloo, myr shen dy jagh y pobble seose ’syn ard-valley, dy chooilley ghooinney jeeragh roish; as ghow ad yn ard-valley.

Joshua 6:5

As hig eh gy-kione, tra vees ad er heidey dy lajer son tammylt mie lesh ny cayrnyn, as tra chlinnys shiu feiyr y chayrn, nee ooilley yn pobble gyllagh lesh coraa ard; as nee voalley yn ard-valley tuittym sheese kiart, as nee yn pobble goll seose, dy chooilley ghooinney jeeragh roish.

Briwnyn 15:14

As tra haink eh gys Lehi, dyllee ny Philistinee n’oï: as haink Spyrryd y Chiarn dy niartal er, as haink ny coyrdyn v’er e roihaghyn dy ve myr lieen losht lesh aile, as huitt ny geulaghyn veih e laueyn.

1 Samuel 4:6

As tra cheayll ny Philistinee feiyr yn yllagh, dooyrt ad, Cre’n yllagh mooar shoh ayns camp ny Hebrewnee? As hoig ad dy row arg y Chiarn er jeet gys y champ.