1 Samuel 4:3 - Yn Vible Casherick 1775 1819

³ As tra va’n pobble er jeet gys y champ dooyrt shanstyr Israel, Cre’n-fa ta’n Chiarn er woalley shin jiu roish ny Philistinee? lhig dooin cur fys son arg conaant y Chiarn veih Shiloh, tra hig eh hooin dy vod eh shin y hauail veih laueyn nyn noidyn.

1 Samuel 4:3 ပူးပေါင်းရင်းမြစ်များ

2 Samuel 15:25

As dooyrt David rish Zadok, Cur lhiat back arg Yee stiagh ’syn ard-valley: my yioyms foayr ayns shilley’n Chiarn, ver eh lesh mee reesht, as jeeaghee eh dou chammah shen as e chabbane-agglish.

1 Recortyssyn 17:1

Nish haink eh gy-kione myr va David ny hoie ayns e hie, dy dooyrt David rish Nathan y phadeyr, Cur-my-ner, ta mish cummal ayns thie cedaragh, agh ta arg conaant y Chiarn fo coodagh curtanyn.

Psalmyn 74:1

O Yee, cre’n-fa t’ou freayll oo hene voïn choud dy hraa: cre’n-fa ta dty yymmoose cha cheh noi kirree dty phastyr?

Psalmyn 74:11

O Yee, caïd nee eshyn ta dt’oï yn vee-onnor shoh y yannoo: caïd nee yn noid loayrt dy mollaghtagh noi dt’Ennym, nee son dy bragh?

Isaiah 50:1

Myr shoh ta’n Chiarn dy ghra, Cre vel screeuyn-scarree nyn moir, r’ee ta mee er scarrey? ny rish quoi jeh my yiatteryn ta mee er chreck shiu? Cur-my-ner, she son nyn mee-chraueeaght ta shiu er chreck shiu hene, as son y drogh-yannoo euish ta mee er scarrey rish nyn moir.

Isaiah 58:3

Cre’n-oyr ta shin er drostey, jir adsyn, as cha vel oo cur-my-ner? cre’n-fa ta shin er heaghney nyn annym, as cha vel oo coyrt geill? Cur-my-ner, ayns laa nyn drostey ta soaillid eu, as ta shiu ro ghyere ayns troggal ny feeaghyn eu.

Isaiah 59:1

Cur-my-ner, cha vel laue yn Chiarn er n’aase giare, nagh vod eh sauail; chamoo ta e chleaysh moal, nagh vod eh clashtyn:

Isaiah 59:2

Agh ta nyn mee-chairys er scarrey eddyr shiuish as y Jee eu, as ta nyn beccaghyn er n’ollaghey e eddin veueish, nagh der eh clashtyn.

Jeremiah 3:16

As hig eh gy-kione, tra vees shiu er nyn mishaghey ayns cloan as cooid ’sy cheer, ayns ny laghyn shen, ta’n Chiarn dy ghra, cha jir ad arragh, Arg conaant y Chiarn; chamoo hig eh gys cooinaghtyn, chamoo smooinee ad er, chamoo nee ad taaghey eh, chamoo hed soiaghey sodjey er jannoo jeh.

Jeremiah 7:4

Ny cur-jee nyn marrant er goan fardalagh, gra, Chiamble y Chiarn, Chiamble y Chiarn, Chiamble y Chiarn, ad shoh.

Earrooyn 10:33

As hie ad rhymboo veih slieau’n Chiarn jurnah three laa: as hie arg chonaant y Chiarn er y raad roue, ’sy jurnah oc dy hree laa, dy gheddyn magh daue ynnyd dy hannaghtyn ayn.

Earrooyn 10:35

As haink eh gy-kione tra scugh yn arg er y hoshiaght, dy dooyrt Moses, Irree seose, Hiarn, as lhig da dty noidyn ve er nyn skeayley; as lhig dauesyn ta dwoaie oc ort, chea kiongoyrt rhyt.

Earrooyn 31:6

As hug Moses ad magh gys y chaggey, thousane jeh dagh tribe, marish Phinehas mac Eleazar y saggyrt, gys y chaggey, lesh ny jeshaghtyn casherick, as ny trumpetyn ayns e laue, dy heidey.

Deuteronomy 29:24

Eer dy jir dagh ashoon, Cre’n-fa ta’n Chiarn er n’yannoo myr shoh rish y cheer shoh? cre’n-oyr va son chiass y jymmoose hrome shoh?

Deuteronomy 31:26

Gow-jee’n lioar shoh jeh’n leigh, as cur-jee eh ayns lhiattee arg conaant y Chiarn nyn Yee, dy vod eh ve ayns shen, son feanish dt’oï.

2 Timothy 3:5

Goaill orroo caslys dy chraueeaght, agh jannoo noi’n phooar [vreeoil] echey: veih nyn lheid chyndaa ersooyl.

Hebrewnee 9:4

Ayn va’n censer airhey, as arg y chonaant coodit er dy chooilley heu lesh airh, ayn va’n saagh airh, ayn va manna, as lorg Aaron ren blaaghey, as buird y chonaant;

Joshua 4:7

Eisht nee shiu ginsh daue, dy row ushtaghyn Yordan er nyn scarrey veih-my-cheilley roish arg conaant y Chiarn; tra hie eh harrish Jordan, dy row ushtaghyn Yordan er nyn giarey jeh: as bee ny claghyn shoh son imraa da cloan Israel er son dy bragh.

Joshua 6:6

As deïe Joshua mac Nun er ny saggyrtyn, as dooyrt eh roo, Trog-jee seose arg y chonaant, as lhig da shiaght saggyrtyn cur lhieu shiaght cayrnyn dy eairkyn rea roish arg y Chiarn.

Joshua 7:7

As dooyrt Joshua, Ah treih! O Hiarn Yee, cre’n-fa t’ou er choyrt lhiat yn pobble shoh harrish Jordan, dy livrey shin gys laue ny Amoriteyn, dy stroie shin? Dy baillish Jee dy beagh shin er ve booiagh raad va shin, as er chummal er cheu elley dy Yordan.

Joshua 7:8

O Hiarn, cre oddym’s gra, tra ta Israel cur cooyl rish nyn noidyn!

1 Peddyr 3:21

Yn co-soylaghey jeh shoh, dy jarroo bashtey, ta nish myrgeddin sauail shin, (cha nee liorish cur ersooyl broïd yn eill, agh liorish yn ansoor dy chooinsheanse vie gys Jee,) trooid irree-seose-reesht Yeesey Creest:

Jude 1:5

Baillym er-y-fa shen shiu y choyrt ayns cooinaghtyn, ga dy row fys eu er shoh keayrt dy row, kys dy ren y Chiarn erreish da ve er hauail y pobble ass cheer Egypt, ny lurg shen adsyn y stroie nagh ren credjal.

1 Samuel 1:24

As tra v’ee er harbaa eh, ghow ee eh seose mâree, as three dew, as un ephah dy flooyr, as saagh feeyney, as hug ee lh’ee eh gys thie yn Chiarn ayns Shiloh: as va’n lhiannoo aeg.

1 Samuel 14:18

As dooyrt Saul rish Ahiah, Cur lhiat gys shoh arg Yee: (son va arg Yee ec y traa shen marish cloan Israel.)

1 Samuel 4:2

As hug ny Philistinee ad-hene ayns order-caggee noi Israel: as tra haink ad dy cheilley, va’n varriaght ec ny Philistinee er Israel; as varr ad jeh’n armee ’sy vagher mysh kiare thousane dooinney.