1 Samuel 4:2 - Yn Vible Casherick 1775 1819

² As hug ny Philistinee ad-hene ayns order-caggee noi Israel: as tra haink ad dy cheilley, va’n varriaght ec ny Philistinee er Israel; as varr ad jeh’n armee ’sy vagher mysh kiare thousane dooinney.

1 Samuel 4:2 ပူးပေါင်းရင်းမြစ်များ

Dobberan 3:40

Lhig dooin ronsagh as prowal nyn raaidyn, as chyndaa reesht gys y Chiarn.

Leviticus 26:37

As nee ad tuittym harrish y cheilley myr roish y chliwe, tra nagh vel fer erbee er nyn eiyrt’s: as cha bee veg y vree ayndiu dy hassoo roish nyn noidyn.

Earrooyn 14:45

Eisht haink neose ny Amalekiteyn, as ny Canaaniteyn, cummaltee yn clieau shen, as ren ad y woalley ad, as ad nyn imman gys Hormah.

Joshua 7:12

Shen va’n oyr nagh voddagh cloan Israel shassoo roish nyn noidyn, agh dy dug ad cooyl da nyn noidyn, er-y-fa dy row ad cursit: chamoo veem’s ny-sodjey mêriu mannagh stroie shiu yn er custey shen veih ny-vud eu.

1 Samuel 17:21

Son va Israel as ny Philistinee tayrn dy cheilley ayns order-caggee, armee noi armee.

1 Samuel 17:8

As hass eh, as dyllee eh gys armeeyn Israel, as dooyrt eh roo, Cre’n feme ta rish ooilley yn ’vea shoh, shiu dy heet magh ayns order-caggee? Nagh nee Philistine mish, as shiuish sharvaantyn Saul? reih-jee dooinney ny mast’ eu, as lhig da cheet neose hym’s.

1 Samuel 4:1

As va aigney’n Chiarn er ny hoilshaghey liorish Samuel da ooilley Israel. Nish hie Israel magh dy chaggey noi ny Philistinee, ren ad campal liorish Eben-ezer; as ren ny Philistinee campal ayns Aphek.

1 Samuel 4:10

As huitt ny Philistinee orroo; as va Israel er nyn mwoalley, as chossyn dy chooilley ghooinney gys e chummal hene; as va cragh feer vooar ny-vud oc, son huitt jeih thousaneyn as feed jeh coshee Israel.

1 Samuel 4:3

As tra va’n pobble er jeet gys y champ dooyrt shanstyr Israel, Cre’n-fa ta’n Chiarn er woalley shin jiu roish ny Philistinee? lhig dooin cur fys son arg conaant y Chiarn veih Shiloh, tra hig eh hooin dy vod eh shin y hauail veih laueyn nyn noidyn.