1 Samuel 4:19 - Yn Vible Casherick 1775 1819

¹⁹ As va’n inneen-’sy-leigh echey, ben Phinehas, torragh, as er-gerrey da’n traa: as tra cheayll ee yn naight dy row arg Yee goit, as dy row’n ayr-’sy-leigh eck as e sheshey marroo, chroym ee ee-hene, as va pianyn troailt urree.

1 Samuel 4:19 ပူးပေါင်းရင်းမြစ်များ

Genesis 3:16

Dooyrt eh rish y ven, Neem’s dy mooar bishaghey dty hrimshey, as dty yiennaghtyn; ayns trimshey ver oo cloan son y theihll, as bee dty yeearree gys dty heshey, as nee eh reill harryd.

Genesis 35:17

As haink eh gy-kione, tra v’ee ayns êgin ny pianyn troailt, dy dooyrt y ven-reaylt r’ee, Ny lhig dty chree voïd: bee yn mac shoh ayd myrgeddin.

1 Reeaghyn 14:1

Ec y traa shen huitt Abijah mac Yeroboam ching.

Psalmyn 78:64

Ren yn aile ny deiney aegey oc y stroie: as cha row ny moidynyn oc er nyn goyrt ayns poosey.

Jeremiah 26:6

Eisht neem’s y thie shoh y yannoo myr Shiloh, as yn ard-valley shoh ny vollaght da ooilley ashoonyn yn ooir.

1 Samuel 4:18

As haink eh gy-kione, cha leah’s denmys eh arg Yee, dy huitt eh jeh’n stoyl gour e ghrommey, rish lhiattee’n yiat, as vrish eh e wannal, as hooar eh baase; son v’eh ny henn ghooinney trome. As v’eh er vriwnys Israel da-eed bleïn.

1 Samuel 4:20

As myr v’ee ayns raad y vaaish, dooyrt ny mraane va mâree, Bee er dty gherjaghey, son t’ou er n’ymmyrkey mac. Agh cha dug ee ansoor, chamoo hug ee geill da.