1 Samuel 4:18 - Yn Vible Casherick 1775 1819

¹⁸ As haink eh gy-kione, cha leah’s denmys eh arg Yee, dy huitt eh jeh’n stoyl gour e ghrommey, rish lhiattee’n yiat, as vrish eh e wannal, as hooar eh baase; son v’eh ny henn ghooinney trome. As v’eh er vriwnys Israel da-eed bleïn.

1 Samuel 4:18 ပူးပေါင်းရင်းမြစ်များ

Psalmyn 26:8

Hiarn, ta mee er ve graihagh er cooyrtyn dty hie: as ynnyd cabbane-agglish dty ooashley.

Psalmyn 42:10

Ta’n Chiarn er choyrt e chenjallys-ghraihagh ’sy laa: as ayns imbagh ny hoie ghow mish arrane jehsyn, as ren mee my phadjer gys y Jee jeh my vea.

Psalmyn 42:3

Ta my yheïr er ve my veaghey laa as oie: choud as t’ad gagh laa gra rhym, Cre vel nish dty Yee?

Psalmyn 69:9

Son ta’n ghraih jeean t’aym da dty hie dy jarroo er ghuinney mee gys y chree: as ta ny oghsanyn ocsyn hug scammylt dhyt’s, er duittym orrym’s.

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

Briwnyn 15:20

As ren eh briwnys Israel rish lhing ny Philistinee, feed bleïn.

1 Samuel 4:13

As tra haink eh, cur-my-ner, va Eli ny hoie er stoyl rish lhiattee’n raad, dy gheddyn naight: son va e chree er-creau son arg Yee. As tra va’n dooinney er jeet stiagh ’syn ard-valley lesh y naight, va yllaghey as eam trimshagh trooid ooilley’n ard-valley.

1 Samuel 4:17

As dreggyr yn chaghter as dooyrt eh, Ta Israel er roie er-chea roish ny Philistinee, as myrgeddin ta baase mooar sleih, as ta dty ghaa vac, Hophni as Phinehas, myrgeddin marroo, as ta arg Yee goit.

1 Samuel 4:19

As va’n inneen-’sy-leigh echey, ben Phinehas, torragh, as er-gerrey da’n traa: as tra cheayll ee yn naight dy row arg Yee goit, as dy row’n ayr-’sy-leigh eck as e sheshey marroo, chroym ee ee-hene, as va pianyn troailt urree.