1 Samuel 4:15 - Yn Vible Casherick 1775 1819

¹⁵ Nish va Eli kiare-feed as hoght bleeaney jeig dy eash; as va e hooillyn moal, nagh voddagh eh fakin.

1 Samuel 4:15 ပူးပေါင်းရင်းမြစ်များ

Genesis 27:1

As haink eh gy-kione, tra va Isaac shenn, as e hoilshey moal, myr shen nagh row eh fakin, dy deïe eh er Esau e vac shinney, as dooyrt eh rish, My vac, As dreggyr eh, Cur-my-ner, ta mee ayns shoh.

1 Reeaghyn 14:4

As ren ben Yeroboam er yn aght shoh, as hrog ee urree, as hie ee gys Shiloh; as haink ee gys thie Ahijah. Agh cha b’leayr lesh Ahijah ee, son va e hooillyn er hassoo ’sy chione, kyndagh rish e eash.

Psalmyn 90:10

Ta laghyn yn eash ain three-feed bleïn as jeih: as ga dy vod deiney ’ve cha lajer as dy roshtyn kiare-feed bleïn; ny-yeih cha vel y troshid oc eisht agh deinys as trimshey; cha leah shen te er n’gholl shaghey, as ta shin goit jeh.

1 Samuel 3:2

As haink eh gy-kione ec y traa shen, tra va Eli er lhie sheese dy ghoaill fea, as dy row e hoilshey cha moal, nagh voddagh eh fakin;

1 Samuel 4:14

As tra cheayll Eli feiyr yn eam, dooyrt eh, Cre’n feiyr boiragh shoh ta mee clashtyn? As haink y dooinney stiagh dy siyragh, as dinsh eh da Eli.