1 Samuel 4:12 - Yn Vible Casherick 1775 1819

¹² As roie dooinney dy Venjamin veih’n chaggey, as haink eh gys Shiloh er y laa cheddin, lesh e choamraghyn raipit, as ooir er e chione.

1 Samuel 4:12 ပူးပေါင်းရင်းမြစ်များ

2 Samuel 1:2

Haink eh eer gy-kione er yn trass laa, dy daink dooinney veih camp Saul, lesh e choamrey raipit, as ooir er e chione: as tra haink eh fenish Ghavid, dy chroym eh gys y thalloo, as ren eh biallys.

2 Samuel 13:19

As hug Tamar leoie er e kione, as raip ee e coamrey dy chaghlaaghyn daah v’urree, as hug ee e laue er e kione, as hie ee er e toshiaght keayney.

2 Samuel 15:32

As haink eh gy-kione, tra va David er roshtyn mullagh y chronk, raad hug eh ooashley da Jee, cur-my-ner haink Hushai yn Archite ny whail lesh e chooat raipit, as leoie er e chione.

Nehemiah 9:1

Nish er y chiarroo laa as feed jeh’n vee shoh, va cloan Israel er nyn jaglym, lesh trostey, as aanrit-sack, as lesh ooir er nyn ghing.

Lioar Yob 2:12

As tra hrog ad seose nyn sooillyn foddey jeh, as s’coan dy dug ad enney er, hrog ad seose nyn goraa as cheayn ad; as raip ad dagh fer e choamrey, as spreih ad joan seose ’syn aer er nyn ghing.

Jeremiah 26:6

Eisht neem’s y thie shoh y yannoo myr Shiloh, as yn ard-valley shoh ny vollaght da ooilley ashoonyn yn ooir.

Ezekiel 24:26

Dy jig scapailtagh hood’s er y laa shen, dy chur ort dy chlashtyn eh lesh dty chleayshyn?

Ezekiel 27:30

As ver ad er nyn goraa dy ve er ny chlashtyn dt’oï, as nee ad geamagh dy sharroo, as tilgey joan er nyn ghing, nee ad gymmylt ad-hene ’sy leoie.

Joshua 7:6

As raip Joshua e choamrey, as huitt eh er e eddin gys yn ooir, kiongoyrt rish arg y Chiarn, derrey’n astyr, eh-hene as shanstyryn Israel, as hug ad joan er nyn ghing.