1 Samuel 31:7 - Yn Vible Casherick 1775 1819

⁷ As tra honnick deiney Israel va er cheu elley jeh’n choan, as adsyn va er cheu elley jeh Jordan, dy row deiney Israel er roie er y hon, as dy row Saul as e vec marroo, hreig ad ny ard-valjyn, as roie ad er-chea; as haink ny Philistinee, as ren ad cummal ayndoo.

1 Samuel 31:7 ပူးပေါင်းရင်းမြစ်များ

Leviticus 26:32

As neem’s y cheer eu follym-faase: as nee nyn noidyn cummal ayn, as gowee ad yindys.

Leviticus 26:36

As orroosyn vees faagit bio jiuish, ver-yms annooinid cree ayns cheer nyn noidyn; as nee feiyr duillag criht ad y agglaghey; as nee ad chea, myr veih’n chliwe: as nee ad tuittym, tra nagh bee fer er nyn eiyrt’s.

Deuteronomy 28:33

Mess dty halloo, as ooilley dty laboragh, nee ashoon, nagh nhione dhyt, gee seose; as bee oo tranlaasit, as freilt fo-chosh dy kinjagh:

Briwnyn 6:2

As va laue Vidian er ny niartaghey noi Israel: as er-aggle roish ny Midianiteyn ren cloan Israel daue hene ooigyn ayns ny sleityn, as guaggyn follit, as cashtallyn lajer.

1 Samuel 13:6

Tra honnick deiney Israel dy row ad ayns chennid, (son v’ad er choayl nyn gree,) eisht dollee yn pobble ad-hene ayns ooigyn, as ayns keylljyn, as ayns creggyn, as ayns sleityn, as ayns guaggyn.

1 Samuel 13:7

As chossyn paart jeh my Hebrewnee harrish Jordan gys cheer Ghad as Gilead. Agh son Saul v’eh foast ayns Gilgal; as va ooilley’n pobble er-creau geiyrt er.

1 Samuel 31:6

Myr shoh hooar Saul baase, marish e hree mec, as e armyder, as ooilley ny deiney va mygeayrt-y-mysh myrgeddin, er y laa cheddin.

1 Samuel 31:8

As haink eh gy-kione laa-ny-vairagh, tra haink ny Philistinee dy roostey ny merriu, dy dooar ad Saul as e hree mec er duittym ayns slieau Gilboa.