1 Samuel 31:6 - Yn Vible Casherick 1775 1819

⁶ Myr shoh hooar Saul baase, marish e hree mec, as e armyder, as ooilley ny deiney va mygeayrt-y-mysh myrgeddin, er y laa cheddin.

1 Samuel 31:6 ပူးပေါင်းရင်းမြစ်များ

2 Samuel 1:1

Nish haink eh gy-kione, lurg baase Saul, tra va David er hyndaa veih slaughter ny Amalekiteyn, as er vuirriaght daa laa ayns Ziklag;

2 Samuel 1:12

As ren ad dobberan as keayney, as hrosht ad derrey’n astyr, son Saul as son Jonathan e vac, as son pobble y Chiarn, as son thie Israel; er-yn-oyr dy row ad er duittym lesh y chliwe.

1 Recortyssyn 10:6

Myr shoh hooar Saul baase, as ny three mec echey, as ooilley ny va mârish myrgeddin.

Briwnyn 9:54

Eisht deïe eh dy siyragh gys y dooinney aeg e armyder, as dooyrt eh rish, Tayrn dty chliwe, as marr mee, nagh jir ad, She ben ren y varroo eh. As roie yn dooinney aeg eh trooid, as shoh myr hooar eh baase.

1 Samuel 11:15

As hie ooilley’n pobble gys Gilgal, as ayns shen ren ad Saul ny ree fenish y Chiarn ayns Gilgal: as ayns shen heb ad ourallyn-shee kiongoyrt rish y Chiarn: as ayns shen va ard-voggey er Saul as ooilley deiney Israel.

1 Samuel 12:17

Nagh vel eh jiu imbagh y fouyr-churnagh? neem’s geamagh gys y Chiarn, as ver eh neose taarnagh as fliaghey; dy vod shiu goaill tastey as fakin dy mooar nyn olkys ayns shilley’n Chiarn, ayns shirrey diu hene ree.

1 Samuel 12:25

Agh my nee shiu tannaghtyn dy chur-rish olk, hed shiu naardey, chammah shiu-hene as nyn ree.

1 Samuel 26:10

Dooyrt David ny-sodjey, Myr ta’n Chiarn bio, nee’n Chiarn eh y woalley; ny hig laa e vaaish er; er-nonney hed eh sheese gys caggey, as cherraghtyn ayns shen.

1 Samuel 28:19

Nee’n Chiarn myrgeddin Israel as oo-hene y livrey gys laue ny Philistinee: as mairagh bee uss as dty vec mârym’s: nee’n Chiarn myrgeddin sheshaght-caggee Israel y livrey gys laue ny Philistinee.

1 Samuel 31:5

As tra honnick e armyder dy row Saul marroo, huitt eshyn myrgeddin er e chliwe, as hooar eh baase mârish.

1 Samuel 31:7

As tra honnick deiney Israel va er cheu elley jeh’n choan, as adsyn va er cheu elley jeh Jordan, dy row deiney Israel er roie er y hon, as dy row Saul as e vec marroo, hreig ad ny ard-valjyn, as roie ad er-chea; as haink ny Philistinee, as ren ad cummal ayndoo.