1 Samuel 31:2 - Yn Vible Casherick 1775 1819

² As deiyr ny Philistinee chion er Saul, as er e vec; as varr ny Philistinee Jonathan, as Abinadab, as Malchi-shua, mec Saul.

1 Samuel 31:2 ပူးပေါင်းရင်းမြစ်များ

2 Samuel 1:6

As dreggyr yn dooinney aeg dinsh da, Myr haghyr dou cheet er slieau Gilboa, cur-my-ner, va Saul croymmey er e shleiy; as cur-my-ner, va ny fainee as ny markee chionney dy creoi er e eiyrt’s.

2 Reeaghyn 25:7

As varr ad mec Zedekiah roish e hooillyn, as hug ad ny sooillyn ass Zedekiah, as chiangle ad eh lesh geulaghyn prashey, as hug ad lhieu eh gys Babylon.

1 Recortyssyn 10:2

As deiyr ny Philistinee dy chion er Saul as e vac, as varr ny Philistinee Jonathan, as Abinadab, as Malchi-shua, mec Saul.

1 Recortyssyn 8:33

As hooar Ner Kish, as hooar Kish Saul, as hooar Saul Jonathan, as Malchi-shua, as Abinadab, as Esh-baal.

1 Recortyssyn 9:39

As hooar Ner Kish, as hooar Kish Saul, as hooar Saul Jonathan, as Malchi-shua, as Abinadab, as Esh-baal.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

1 Samuel 13:16

As duirree Saul as Jonathan e vac, as y cheshaght va mâroo, ayns Gibeah jeh Benjamin: agh ren ny Philistinee campal ayns Michmash.

1 Samuel 13:2

Ren Saul reih three thousaneyn dy gheiney Israel: jeu shoh va daa housane marish Saul ayns Michmash, as ayns cronk Beth-el, as va thousane marish Jonathan ayns Gibeah jeh Benjamin: as son y chooid elley jeh’n pobble hug eh thie dy chooilley ghooinney gys e chummal hene.

1 Samuel 14:22

Myrgeddin ooilley deiney Israel, va er cheiltyn ad-hene ayns slieau Ephraim, tra cheayll ad dy row ny Philistinee er roie er-chea, deiyr adsyn myrgeddin chion orroo ’sy chaggey.

1 Samuel 14:49

Nish va mec Saul, Jonathan, as Ishui, as Melchi-shua: as shoh va enmyn y daa inneen echey; ennym yn unnane shinney Merab, as ennym yn unnane saa Michal:

1 Samuel 23:17

As dooyrt eh rish, Ny bee aggle ort; son cha vow laue Saul my ayr magh oo: as bee uss y ree harrish Israel, as mish y fer sniessey dhyt: as er shoh ta fys ec Saul my ayr myrgeddin.

1 Samuel 28:19

Nee’n Chiarn myrgeddin Israel as oo-hene y livrey gys laue ny Philistinee: as mairagh bee uss as dty vec mârym’s: nee’n Chiarn myrgeddin sheshaght-caggee Israel y livrey gys laue ny Philistinee.