1 Samuel 31:1 - Yn Vible Casherick 1775 1819

¹ Nish ren ny Philistinee caggey noi Israel: as roie deiney Israel er-chea roish ny Philistinee, as huitt ad lesh cragh trome ayns cronk Gilboa.

1 Samuel 31:1 ပူးပေါင်းရင်းမြစ်များ

2 Samuel 1:21

Shiuish sleityn Yilboa, ny lhig da druight ny fliaghey cheet erriu, ny magheryn ourallagh: son shen y raad va scape y dooinney niartal, eer scape Saul, dy naareydagh er ny hilgey ersooyl, myr nagh beagh eh er ny ve yn ree ooilit.

2 Samuel 1:6

As dreggyr yn dooinney aeg dinsh da, Myr haghyr dou cheet er slieau Gilboa, cur-my-ner, va Saul croymmey er e shleiy; as cur-my-ner, va ny fainee as ny markee chionney dy creoi er e eiyrt’s.

2 Samuel 4:4

As v’ec Jonathan, mac Saul, mac va baccagh, as v’eh queig bleeaney d’eash tra haink naightyn jeh Saul as Jonathan veih Jezreel, as hrog e voandyr lh’ee eh, as chossyn ee rhymbee: as haink eh gy-kione myr v’ee ayns rouyr siyr dy chosney ersooyl, dy dooar eh lhieggey ren baccagh jeh. As va’n ennym echey Mephibosheth.

1 Samuel 12:25

Agh my nee shiu tannaghtyn dy chur-rish olk, hed shiu naardey, chammah shiu-hene as nyn ree.

1 Samuel 28:1

As haink eh gy-kione er ny laghyn shen, dy ren ny Philistinee chaglym ny armeeyn oc cooidjagh dy chaggey rish Israel. As dooyrt Achish rish David, Lhig da fys’ve ayd son shickyrys dy jed oo magh mârym gys y chaggey, oo-hene as dty gheiney.

1 Samuel 28:15

As dooyrt Samuel rish Saul, Cre’n-fa t’ou er choyrt anvea dou, dy my ghoostey? As dreggyr Saul, Ta mee dy mooar seaghnit; son ta ny Philistinee jannoo caggey m’oï, as ta Jee er my hreigeil, as cha vel eh gansoor mee ny sodjey, edyr liorish phadeyryn, ny liorish ashlishyn: er-y-fa shen ta mee er n’eamagh ort, dy vod oo soilshaghey dou cre nee’m.

1 Samuel 28:19

Nee’n Chiarn myrgeddin Israel as oo-hene y livrey gys laue ny Philistinee: as mairagh bee uss as dty vec mârym’s: nee’n Chiarn myrgeddin sheshaght-caggee Israel y livrey gys laue ny Philistinee.

1 Samuel 28:4

As haggil ny Philistinee ad-hene cooidjagh, as hoie ad nyn gamp ayns Shunem: as haggil Saul ooilley Israel cooidjagh, as ren ad campal ayns Gilboa.

1 Samuel 29:1

Nish hayrn ny Philistinee ooilley’n armee cooidjagh gys Aphek: as ren ny Israeliteyn campal liorish farrane ta ayns Jezreel.