1 Samuel 30:6 - Yn Vible Casherick 1775 1819

⁶ As va David dy mooar seaghnit; son va’n pobble aarloo dy chlaghey eh, er-yn-oyr dy row cree ooilley’n pobble trimshagh, dy chooilley ghooinney son e vec, as e inneenyn: agh hug David e varrant ayns y Chiarn e Yee.

1 Samuel 30:6 ပူးပေါင်းရင်းမြစ်များ

Genesis 32:7

Eisht va Jacob dy mooar agglit as seaghnit: as rheynn eh yn sleih va mârish, as ny shioltaneyn as shellooyn, as ny camelyn, ayns daa heshaght;

2 Samuel 17:8

Son, (dooyrt Hushai,) shione dhyt dt’ayr as e gheiney, dy vel ad deiney niartal, as t’ad brasnit ayns nyn aignaghyn, myr muc-awin ta e quallianyn goit vo-ee ’sy vagher: as ta dt’ayr ny ghooinney caggee, nagh gow aaght marish y pobble.

2 Reeaghyn 4:27

As tra v’ee er jeet gys y dooinney dy Yee er y chronk, huitt ee sheese ec e chassyn: agh haink Gehazi er-gerrey dy choyrt voish ee. As dooyrt y dooinney dy Yee, Faag ee: ta’n annym eck seaghnit cheu-sthie j’ee; as ta’n Chiarn er cheiltyn shoh voym’s, as cha vel eh er n’insh dou.

Lioar Yob 13:15

Ga dy marr eh mee, ny-yeih treishtin ayn: agh neem’s my ynrickys y yannoo mie kiongoyrt rish.

Psalmyn 116:10

Ren mee credjal, as shen-y-fa nee’m loayrt; agh va mee dy mooar seaghnit: dooyrt mee ayns my hiyr, Ta dy chooilley ghooinney mollit.

Psalmyn 138:3

Tra deïe mee ort, ren oo m’y chlashtyn: as m’annym y choamrey lesh mooarane niart.

Psalmyn 18:2

Neem’s geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Psalmyn 25:17

Jeeagh er my arkys as my hreihys: as leih dou ooilley my pheccah.

Psalmyn 27:14

Ny livrey mee seose gys aigney my noidyn: son ta feanishyn foalsey er n’irree seose m’oï, as lheid as ta loayrt aggair.

Psalmyn 31:24

As tra va mee ayns my hiyr, dooyrt mee: Ta mish er my hilgey magh veih shilley dty hooillyn.

Psalmyn 42:11

Jir-yms rish Jee my niart, Cre’n-fa t’ou er my yarrood: kys ta mee myr shoh goll trimshagh, choud as ta’n noid jannoo tranlaase orrym?

Psalmyn 42:5

Ayns y kiaulleeaght dy voylley as dy hoyrt-booise: mastey ny lheid as ta freaylley laa feailley.

Psalmyn 42:7

Cur dty hreishteil ayns Jee: son ver-yms foast booise da son cooney e eddin.

Psalmyn 56:11

Dy jarroo ayns Jee ta mee er choyrt my hreishteil: cha goym aggle cre oddys dooinney y yannoo rhym.

Psalmyn 62:1

Ta m’annym dy firrinagh farkiaght dy kinjagh er Jee: son veihsyn ta my haualtys.

Psalmyn 62:5

Ny-yeih, m’annym, farkee uss dy kinjagh er Jee: son ta my hreishteil aynsyn.

Psalmyn 71:4

Son dty lurg’s, O Hiarn Yee, ta mee goaill foddeeaght: uss my hreishteil, dy jarroo veih m’aegid.

Psalmyn 71:5

Liort’s ta mee er ny chummal seose neayr as ruggyr mee: uss ren m’y ghoaill ass breïn my vayrey; bee my voylley dy bragh jeed’s.

Exodus 17:4

As deïe Moses gys y Chiarn, gra, Cre nee’m rish y pobble shoh? t’ad faggys aarloo dy m’y chlaghey.

Raaghyn Creeney 18:10

Ta ennym y Chiarn toor lajer: ta’n dooinney cairagh chea huggey, as t’eh ayns sauchys.

Isaiah 25:4

Son t’ou er ve niart da’n voght, fer-coadee da’n ymmyrchagh ayns e heaghyn, kemmyrk veih’n sterrym, scadoo veih’n chiass, tra ta dorrin yn vooinjer atchimagh myr sterrym noi yn voalley.

Jeremiah 16:19

O Hiarn my niart, as my chashtal lajer, as my chemmyrk ’sy laa dy heaghyn, hig ny ashoonee hood’s veih ardjyn sodjey magh yn ooir, as jir ad, Son shickyrys va eiraght nyn ayraghyn ayns breagyn, fardalys, as reddyn gyn ymmyd.

Jonah 2:2

As dooyrt eh, Deïe mee kyndagh rish my heaghyn gys y Chiarn, as ren eh my chlashtyn; veih diunid yn oaie deïe mee, as cheayll oo my choraa.

Earrooyn 14:10

Agh deïe ooilley’n slane cheshaght dy chlaghey ad: as va gloyr y Chiarn ry-akin soilshean er y chabbane-agglish, ayns fakin ooilley cloan Israel.

Noo Mian 21:9

As deïe yn pobble hie roish, as adsyn haink ny yeï, gra, Hosanna gys mac Ghavid: bannit t’eshyn ta cheet ayns ennym y Chiarn, Hosanna ayns yn yrjid.

Noo Mian 27:22

Dooyrt Pilate roo, Cre nee’m eisht rish Yeesey, ta enmyssit Creest? Dooyrt ad ooilley rish, Lhig da v’er ny chrossey.

Noo Ean 8:59

Eisht hrog ad claghyn dy cheau er: agh cheill Yeesey eh-hene voue, as hie eh magh ass y chiamble, goll trooid y cheeid oc, as myr shen hie eh shaghey.

Romanee 4:18

Quoi noi treishteil ren credjal ayns treishteil, dy voddagh eh cheet dy ve ayr ymmodee ashoonyn; cordail rish shen ny v’er ny loayrt, Shen myr vees dty luight.

Romanee 4:20

Cha row eh dooyteilagh mychione gialdyn Yee trooid mee-chredjue; agh v’eh niartal ayns credjue, coyrt gloyr da Jee:

Romanee 8:31

Cre jir mayd eisht rish ny reddyn shoh? my ta Jee lhien, quoi oddys ve nyn ’oï?

2 Corinthianee 1:6

As edyr shin ve seaghnit, te son y gerjagh as y saualtys euish, ta breeoil ayns gymmyrkey ny surranseyn cheddin mârin: ny edyr shin ve er nyn gherjaghey, te son y gerjagh as y saualtys eu.

2 Corinthianee 4:8

Ta shin seaghnit er dagh cheu, agh cha vel shin ayns chennid: ta shin êginit, agh cha vel shin fo mee-hreishteil;

2 Corinthianee 7:5

Son tra va shin er jeet gys Macedonia, cha row fea ain ’sy challin, agh va shin seaghnit er dy chooilley heu; cheu-mooie va caggey, cheu-sthie va aggle.

Hebrewnee 13:6

Shen-y-fa fod mayd dy creeoil gra, Ta’n Chiarn my er-coonee, as cha bee aggle orrym jeh ny oddys dooinney y yannoo rhym.

Briwnyn 18:25

As dooyrt cloan Dan rish, Ny lhig da dty choraa v’er ny chlashtyn ny mast’ ain, er-aggle dy duitt feallagh fargagh ort, as dy gaill oo dty vioys, marish bioys dty lught-thie.

Briwnyn 20:22

As ren cloan Israel ad-hene y niartaghey, as hayrn ad seose yn cheshaght oc ayns order-caggee, ’sy ghrunt cheddin v’ad er y laa roïe.

1 Samuel 1:10

As v’ee ayns sherriuid anmey, as ghow ee padjer gys y Chiarn, as cheayn ee dy sharroo.

1 Samuel 23:16

As hie Jonathan mac Saul gys David ’sy cheyll, as ren eh e laue y niartaghey ayns Jee.

1 Samuel 28:15

As dooyrt Samuel rish Saul, Cre’n-fa t’ou er choyrt anvea dou, dy my ghoostey? As dreggyr Saul, Ta mee dy mooar seaghnit; son ta ny Philistinee jannoo caggey m’oï, as ta Jee er my hreigeil, as cha vel eh gansoor mee ny sodjey, edyr liorish phadeyryn, ny liorish ashlishyn: er-y-fa shen ta mee er n’eamagh ort, dy vod oo soilshaghey dou cre nee’m.