1 Samuel 30:22 - Yn Vible Casherick 1775 1819

²² Eisht dreggyr ooilley’n vooinjer creoi-chreeagh, yn chloan shen dy Velial, hie marish David, as dooyrt ad, Er-yn-oyr nagh jagh ad mârin, cha der mayd daue ayrn erbee jeh’n spooilley ta shin er chosney, er-lhimmey da dy chooilley ghooinney e ven, as e chloan, dy vod ad goaill ad, as goll rhymboo.

1 Samuel 30:22 ပူးပေါင်းရင်းမြစ်များ

1 Reeaghyn 21:10

As soie-jee daa ghooinney, mec Velial, kiongoyrt rish, dy ymmyrkey feanish n’oï, gra, Ren uss loayrt goan mollaghtagh noi Jee, as goltooaney’n ree: eisht cur-jee lhieu eh magh, as clagh-jee eh dy baase.

1 Reeaghyn 21:13

As haink daa ghooinney stiagh, cloan Velial, as hoie ad kiongoyrt rish: as ren deiney Velial gymmyrkey feanish n’oï, eer noi Naboth, kiongoyrt rish y pobble, gra, Ren Naboth loayrt goan mollaghtagh noi Jee, as goltooaney’n ree. Eisht hug ad lhieu eh magh ass yn ard-valley, as chlagh ad eh lesh claghyn, dy dooar eh baase.

Noo Mian 7:12

Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

Deuteronomy 13:13

Ta lheid ny deiney shen, cloan Velial, er n’gholl magh veih ny mast’ eu, as er hayrn ersooyl cummaltee yn ard-valley oc, gra, Lhig dooin goll, as shirveish jeeghyn elley (nagh bione diu)

Briwnyn 19:22

Nish myr v’ad jannoo mooar jeu hene, cur-my-ner, ren shiartanse jeh deiney’n valley, mec Velial, chionney mysh y thie, as woaill ad ’sy dorrys, as loayr ad rish y chenn ghooinney, mainshtyr y thie, gra, Cur magh hooin yn dooinney shen haink stiagh gys dty hie, dy vod enney ’ve ain er.

1 Samuel 22:2

As ren dy chooilley ghooinney va tranlaasit, ny fo feeaghyn, ny sou-aigney, ad-hene y haglym huggey; as v’eh ny chaptan orroo: as va mârish mysh kiare cheead dooinney.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.

1 Samuel 25:25

Ny lhig da my hiarn, ta mee guee ort, cur geill da’n dooinney shoh dy Velial, dy jarroo Nabal: son myr ta’n ennym echey, myr shen t’eh-hene; Nabal yn ennym echey, as ta ommijys mârish: agh mish dty harvaant cha vaik mee dty gheiney aegey, my hiarn, hug oo er y chaghteraght.

1 Samuel 30:21

As haink David gys y daa cheead dooinney, va cha tooillit nagh voddagh ad geiyrt er David, v’ad myrgeddin êginit dy aagail nyn yeï ec strooan Besor: as hie ad magh quail David, as ny deiney va mârish: as tra haink David er-gerrey da’n pobble, vannee eh ad.

1 Samuel 30:23

Eisht dooyrt David, Cha nee shen myr nee shiu, my vraaraghyn, lesh y chooid ta’n Chiarn er chur dooin, t’er choadey shin, as er livrey gys nyn laue yn cheshaght haink magh nyn ’oï.