1 Samuel 30:18 - Yn Vible Casherick 1775 1819

¹⁸ As chossyn David ooilley ny va ny Amalekiteyn er chur lhieu ersooyl; as hooar David reesht e ghaa ven.

1 Samuel 30:18 ပူးပေါင်းရင်းမြစ်များ

Genesis 14:16

As hug eh lesh back ooilley yn chooid, as myrgeddin hug eh lesh e vraar Lot, as e chooid, as myrgeddin ny mraane, as y pobble.

Jeremiah 41:12

Eisht hayrn eh magh ooilley e gheiney, as hie ad dy chaggey rish Ishmael mac Nethaniah, as haink ad seose rish liorish ny loghanyn mooarey ushtey ta ayns Gibeon.

Earrooyn 31:49

As dooyrt ad rish Moses, Ta dty harvaantyn er ghoaill coontey ny deiney-caggee, ta fo’n churrym ain, as cha vel shin er choayl dooinney.

1 Samuel 30:8

As hir David coyrle veih’n Chiarn, gra, Jem’s geiyrt er y cheshaght shoh? jean-ym berraghtyn orroo? As dreggyr eh, Immee, eiyr orroo; son nee oo son shickyrys berraghtyn orroo, as cosney reesht y slane spooilley.