1 Samuel 30:16 - Yn Vible Casherick 1775 1819

¹⁶ As tra v’eh er chur lesh eh sheese, cur-my-ner v’ad skeaylt ooilley fud y vagheragh, gee, as giu, as daunsin, son boggey jeh’n spooilley mooar v’ad er n’ghoaill ass cheer ny Philistinee, as cheer Yudah.

1 Samuel 30:16 ပူးပေါင်းရင်းမြစ်များ

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

1 Recortyssyn 4:43

As stroie ad yn chooid elley jeh ny Amalekiteyn v’er scapail, as ren ad cummal ayns shen gys y laa t’ayn jiu.

Lioar Yob 20:5

Nagh vel mooaralys ny mee-chrauee agh giare, as nagh vel boggey yn chrauee-oalsey agh son shallid?

Psalmyn 119:162

Ta wheesh dy voggey aym jeh dty ghoo: as t’ec fer ta cosney mooarane spooilley.

Exodus 32:6

As dirree ad dy moghey er laa-ny-vairagh, as heb ad ourallyn-losht, as hug ad lhieu ourallyn-shee: as hoie yn pobble sheese dy ee as dy iu, as dirree ad seose dy ve rouanagh.

Isaiah 22:13

Agh cur-my-ner, boggey as gennallys, slaughtral dew, as marroo kirree, gee feill, as giu feeyn; gra, Lhig dooin gee as giu, son mairagh yiow mayd baase.

Isaiah 9:3

T’ou er vishaghey yn ashoon, as cha vel oo er vooadaghey nyn moggey: t’ad goaill boggey kiongoyrt rhyt, rere boggey yn ouyr, as myr ta deiney goaill boggey tra t’ad rheynn y chragh.

1 Thessalonianee 5:3

Son tra jir ad, Shee as sauchys; eisht hig toyrt-mow orroo doaltattym, myr ta pian cheet er ben tra t’ee er-troailt; as cha jean ad scapail.

Joshua 22:8

As loayr eh roo, gra, Chyndaa-jee gys nyn gummallyn lesh ymmodee berchys, as lesh mooarane maase, lesh argid, as lesh airh, as lesh prash, as lesh yiarn, as lesh palchey coamraghyn: rheynn shiu spooilley nyn noidyn rish nyn mraaraghyn.

Briwnyn 8:11

As ghow Gideon e raad gys y cheer ocsyn va cummal ayns cabbaneyn, my-hiar jeh Nobah as Jogbehah, as woaill eh yn cheshaght-chaggee; va jeeaghyn orroo hene dy ve ass roshtyn dangere.

1 Samuel 30:14

Ren shin brishey stiagh er cheer jiass ny Cherethiteyn, as er ardjyn Yudah, as er y jiass jeh Caleb; as losht shin Ziklag lesh aile.

1 Samuel 30:15

As dooyrt David rish, Vod uss y raad y yeeaghyn dou gys y cheshaght shoh? As dooyrt eh, Jean breearrey dou liorish Jee, nagh jean oo m’y varroo, ny m’y livrey gys laueyn my vainshtyr, as ver-ym lhiam oo gys y cheshaght shoh.