1 Samuel 30:12 - Yn Vible Casherick 1775 1819

¹² As hug ad peesh dy cheeak figgagh da, as daa ghossan dy raisinyn: as tra v’eh er ghoaill beaghey va e chree er ny niartaghey: son cha row eh er gheddyn veg y veaghey rish three laa as three oieghyn.

1 Samuel 30:12 ပူးပေါင်းရင်းမြစ်များ

Esther 4:16

Immee as chaggil cooidjagh ooilley ny Hewnyn t’ayns Shushan, as trosht-jee er my hon’s, as ny jean-jee gee ny giu son three laa, oie ny laa: neem’s as my vraane aegey myrgeddin trostey, as eisht hem stiagh gys y ree, red nagh vel cordail rish y leigh: as my ta mee kiarit son cherraghtyn, lhig dou cherraghtyn.

Dobberan 1:11

Ta ooilley yn pobble er osnaghey, t’ad briaght son arran, t’ad er chur nyn gooid share son beaghey dy reayll bioys ayndoo: jeeagh orrym, O Hiarn, as cur geill, son s’beg y leigh t’oc orrym.

Jonah 1:17

Nish va’n Chiarn er chiarail eeast mooar dy lhuggey seose Jonah, as va Jonah ayns bolg yn eeast, three laa as three oieghyn.

Noo Mian 27:63

Gra, Vainshter, ta cooinaghtyn ain dy dooyrt yn molteyr shen, choud as v’eh foast bio, Lurg three laa neem’s girree reesht.

Briwnyn 15:19

Agh ren Jee fosley ’yannoo ayns yn ynnyd cheddin, as haink ushtey ass; as tra v’eh er n’iu, ghow eh cree reesht, as v’eh er ny niartaghey: shen-y-fa denmys eh yn ynnyd En-hakkore, ta ayns Lehi gys y laa jiu.

1 Samuel 14:27

Agh cha geayll Jonathan dy row e ayr er choyrt y pobble fo’n sarey, shen-y-fa heeyn eh magh baare y lorg v’echey ayns e laue, as hum eh eh ayns kere-volley, as hug eh e laue gys e veeal; as va e hooillyn er nyn niartaghey.

1 Samuel 30:11

As haghyr ad er Egyptian ’sy vagher, as hug ad lhieu eh gys David, as hug ad arran da, as ren eh gee; as hug ad er giu ushtey.

1 Samuel 30:13

As dooyrt David rish, Quoi lesh oo? as cre veih haink oo? As dooyrt eh, Ta mish dooinney aeg veih Egypt, sharvaant da Amalekite; as daag my vainshtyr mee, er-yn-oyr dy huitt mee ching three laa er-dy-henney.