1 Samuel 30:11 - Yn Vible Casherick 1775 1819

¹¹ As haghyr ad er Egyptian ’sy vagher, as hug ad lhieu eh gys David, as hug ad arran da, as ren eh gee; as hug ad er giu ushtey.

1 Samuel 30:11 ပူးပေါင်းရင်းမြစ်များ

Raaghyn Creeney 25:21

My vees dty noid accryssagh, cur arran da dy ee, as my t’eh paagh, cur da ushtey dy iu.

Noo Mian 25:35

Son va mee accryssagh, as hug shiu beaghey dou: va mee paagh, as hug shiu jough dou: va mee my yoarree, as ghow shiu stiagh mee:

Deuteronomy 23:7

Cha der oo dwoaie da Edomite, son dty vraar eh: cha der oo dwoaie da Egyptian, son dy r’ou hene dty yoarree ayns y cheer echey.

Deuteronomy 23:8

Bee’n chloan hig jeusyn, er nyn ghoaill stiagh gys chaglym-cooidjagh y Chiarn ayns nyn trass heeloghe.

1 Samuel 30:10

Agh hie David geiyrt orroo lesh kiare cheead dooinney: (son duirree daa cheead dooinney nyn yeï, va cha tooillit nagh voddagh ad goll harrish y strooan Besor.)

1 Samuel 30:12

As hug ad peesh dy cheeak figgagh da, as daa ghossan dy raisinyn: as tra v’eh er ghoaill beaghey va e chree er ny niartaghey: son cha row eh er gheddyn veg y veaghey rish three laa as three oieghyn.