1 Samuel 3:7 - Yn Vible Casherick 1775 1819

⁷ Shoh myr ren Samuel roish my bione da yn Chiarn, as roish my va goo’n Chiarn er ny hoilshaghey da.

1 Samuel 3:7 ပူးပေါင်းရင်းမြစ်များ

Jeremiah 9:24

Agh lhig dasyn ta boggyssagh, boggyssagh ayns shoh, dy vel toiggal as tushtey echey jeem’s, dy nee mish y Chiarn ta soilshaghey kenjallys-ghraihagh, briwnys, as cairys, er y thalloo: son ayns ny reddyn shoh ta mee goaill taitnys, ta’n Chiarn dy ghra.

Jannoo 19:2

As dooyrt eh roo, Vel shiu er gheddyn yn Spyrryd Noo neayr as ren shiu credjal? Dooyrt adsyn rish, Cha vel shin wheesh as er chlashtyn dy vel Spyrryd Noo ayn.

1 Corinthianee 13:11

Tra va mee my lhiannoo, loayr mee myr lhiannoo, hoig mee myr lhiannoo, smooinee mee myr lhiannoo: agh tra haink mee dy ve my ghooinney, hug mee reddyn lambanagh dy lhiattee.

1 Samuel 3:6

As deïe’n Chiarn reesht, Samuel. As dirree Samuel, as hie eh gys Eli, as dooyrt eh, Ta mee ayns shoh; son deïe oo orrym. As dreggyr eh, Cha deïe mish ort, my vac; lhie sheese reesht.

1 Samuel 3:8

As deïe’n Chiarn er Samuel reesht yn trass cheayrt. As dirree eh, as hie eh gys Eli, as dooyrt eh, Ta mee ayns shoh, son ren oo geamagh orrym. As dennee Eli dy nee’n Chiarn v’er n’eamagh er y lhiannoo.