1 Samuel 3:2 - Yn Vible Casherick 1775 1819

² As haink eh gy-kione ec y traa shen, tra va Eli er lhie sheese dy ghoaill fea, as dy row e hoilshey cha moal, nagh voddagh eh fakin;

1 Samuel 3:2 ပူးပေါင်းရင်းမြစ်များ

Genesis 27:1

As haink eh gy-kione, tra va Isaac shenn, as e hoilshey moal, myr shen nagh row eh fakin, dy deïe eh er Esau e vac shinney, as dooyrt eh rish, My vac, As dreggyr eh, Cur-my-ner, ta mee ayns shoh.

Genesis 48:10

Nish va sooillyn Israel moal lesh eash, myr shen nagh b’leayr da dy mie; as hug eh lesh ad er-gerrey da; as phaag eh ad, as ghow eh ad ayns e roihaghyn.

Genesis 48:19

As dob e ayr, as dooyrt eh, Ta fys aym er, my vac, ta fys aym er: hig eshyn myrgeddin dy ve pobble, as bee eh myrgeddin pooaral: agh dy firrinagh bee e vraar saa ny s’pooaral ny eshyn, as hig e luight dy ve earroo dy ashoonyn.

1 Reeaghyn 14:4

As ren ben Yeroboam er yn aght shoh, as hrog ee urree, as hie ee gys Shiloh; as haink ee gys thie Ahijah. Agh cha b’leayr lesh Ahijah ee, son va e hooillyn er hassoo ’sy chione, kyndagh rish e eash.

Psalmyn 90:10

Ta laghyn yn eash ain three-feed bleïn as jeih: as ga dy vod deiney ’ve cha lajer as dy roshtyn kiare-feed bleïn; ny-yeih cha vel y troshid oc eisht agh deinys as trimshey; cha leah shen te er n’gholl shaghey, as ta shin goit jeh.

Ecclesiastes 12:3

Ayns y laa tra vees cummaltee yn thie er-creau, as dy jean ny deiney lajer croymmey, as nee ny beihlleyderyn scuirr, er-yn-oyr dy vel ad beggan, as bee adsyn ayns dorraghys ta jeeaghyn magh er ny uinniagyn,

1 Samuel 2:22

Nish va Eli feer shenn, as cheayll eh jeh ooilley ny va e vec er n’yannoo rish ooilley Israel, as kys lhie ad marish ny mraane ren chaglym cooidjagh ec dorrys y chabbane-agglish.

1 Samuel 4:15

Nish va Eli kiare-feed as hoght bleeaney jeig dy eash; as va e hooillyn moal, nagh voddagh eh fakin.