1 Samuel 3:19 - Yn Vible Casherick 1775 1819

¹⁹ As daase Samuel, as va’n Chiarn mârish, as cha lhig eh da veg jeh e ghoan dy huittym gys y thalloo.

1 Samuel 3:19 ပူးပေါင်းရင်းမြစ်များ

Genesis 21:22

As haink eh gy-kione, ec y traa shen, dy ren Abimelech as Phicol, ard-chaptan e heshaght-chaggee, loayrt rish Abraham gra, Ta Jee mayrt ayns ooilley ny t’ou dy yannoo.

Genesis 28:15

As cur-my-ner, ta mish mayrt, as neem’s oo y reayll, ayns dy chooilley ynnyd raad t’ou goll, as ver-ym lhiam oo reesht gys y cheer shoh: son cha dreig-ym oo, derrey vee’m er chooilleeney shen, my-e-chione ta mee er loayrt rhyt.

Genesis 39:2

As va’n Chiarn marish Joseph, as v’eh ny ghooinney haink dy chooilley nhee lesh, as v’eh ayns thie e vainshtyr yn Egyptian.

Genesis 39:3

As hug e vainshtyr tastey dy row’n Chiarn mârish, as dy dug y Chiarn er ooilley ny v’eh cur rish, dy vishaghey fo e laue.

1 Reeaghyn 8:56

Bannit dy row’n Chiarn, t’er chur fea da e phobble Israel, cordail rish ooilley e yialdinys: cha vel fockle hene er vailleil jeh ooilley e yialdinys, ren eh gialdyn liorish e harvaant Moses.

2 Reeaghyn 10:10

Toig-jee nish nagh duitt nhee erbee jeh goo’n Chiarn gys y thalloo, ren y Chiarn fockley magh mychione thie Ahab: son ta’n Chiarn er n’yannoo shen ny loayr eh liorish e harvaant Elijah.

2 Reeaghyn 15:12

She shoh va goo’n Chiarn loayr eh rish Jehu, gra, Nee dty vec soie er stoyl-reeoil Israel gys y chiarroo heeloghe. As shen myr haink eh gy-kione.

2 Reeaghyn 22:16

Myr shoh ta’n Chiarn gra, Cur-my-ner, ver-yms lhiam olk er yn ynnyd shoh, as er e chummaltee, eer ooilley goan y lioar ta ree Yudah er lhaih:

Isaiah 43:2

Tra hed oo trooid ny ushtaghyn, bee’m mayrt; as trooid ny awinyn cha jean ad thooilley ort: tra t’ou shooyl trooid yn aile cha bee oo losht; chamoo nee yn lossey brishey magh ort.

Isaiah 44:26

Ta cooilleeney goo e harvaant, as jannoo mie coyrle e haghteryn; ta gra rish Jerusalem, Bee cummaltee aynyd; as rish ard-valjyn Yudah, Bee shiu er ny hroggal; as neem’s aa-hroggal ny ynnydyn eck ta er n’gholl naardey;

Isaiah 55:11

Shen myr vees my ghoo ta goll ass my veeal: cha jyndaa eh reesht hym’s neu-vreeoil; agh nee eh cooilleeney my aigney, as bee aïgh vie lesh ’sy chooish shen ta foym’s dy chooilleeney.

Noo Mian 1:23

Cur-my-ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Luke 1:28

As haink yn ainle stiagh as dooyrt eh r’ee, Dy vannee dhyt’s ta ayns ard-foayr, ta’n Chiarn mayrt; bannit t’ou uss mastey mraane.

Noo Luke 1:80

As daase y lhiannoo, as v’eh er ny niartaghey ’sy spyrryd, as v’eh ayns ny faasaghyn, derrey’n laa v’eh er ny hoilshaghey da Israel.

Noo Luke 2:40

As daase y lhiannoo, as v’eh er ny niartaghey ’sy spyrryd, as lhieent lesh creenaght, as va grayse Yee mârish.

Noo Luke 2:52

As ren Yeesey bishaghey ayns creenaght as aase, as ayns foayr rish Jee as dooinney.

2 Corinthianee 13:11

Er-jerrey, vraaraghyn, my vannaght mêriu: Bee-jee er nyn niartaghey dy cheilley, bee-jee er nyn gherjaghey, bee-jee jeh’n un aigney, jean-jee baghey ayns shee; as bee’n Jee dy ghraih as shee mêriu.

2 Corinthianee 13:14

Grayse nyn Jiarn Yeesey Creest, as graih Yee, as sheshaght y Spyrryd Noo, dy row mêriu ooilley. Amen.

Deuteronomy 18:22

Tra ta phadeyr loayrt ayns ennym y Chiarn, as mannagh jig yn red gy-kione, ny ve cooilleenit, shen y red nagh vel y Chiarn er loayrt, agh ta’n phadeyr er loayrt eh dy daaney er e chione hene: cha bee aggle ort roish.

2 Timothy 4:22

Dy row yn Chiarn Yeesey Creest marish dty spyrryd. Grayse dy row mêriu. Amen.

Joshua 21:45

Cha ren nhee erbee failleil jeh ooilley ny reddyn mie shen va’n Chiarn er yialdyn da thie Israel; ve dy slane cooilleenit.

Briwnyn 13:24

As ren y ven gymmyrkey mac, as denmys ad eh Samson: as daase y lhiannoo, as ren y Chiarn eh y vannaghey.

1 Samuel 10:7

As hig eh gy-kione, tra hig ny cowraghyn shoh ort, dy jean uss gymmyrkey oo-hene myr vees feme rish; son ta Jee mayrt.

1 Samuel 12:2

As nish, cur-my-ner, ta’n ree eu dy leeideil shiu: as ta mish shenn, as my chione lheeah; as cur-my-ner, ta my vec mêriu: as shione diu my ymmyrkey veih my aegid gys y laa t’ayn jiu.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 18:12

As va Saul ayns aggle roish David, er-yn-oyr dy row’n Chiarn mârish, as dy row eh er hreigeil Saul.

1 Samuel 18:14

As ren David gymmyrkey eh-hene dy creeney ayns ooilley e raaidyn: as va’n Chiarn mârish.

1 Samuel 18:5

As hie David magh [ayns caggey] raad erbee dy dug Saul eh, as ren eh gymmyrkey eh hene dy tastagh: as hoie Saul eh harrish ny deiney-caggee; as v’eh ayns ard foayr rish ooilley’n pobble, as myrgeddin rish fir-oik Saul.

1 Samuel 2:21

As yeeagh y Chiarn er Hannah, myr shen dy ren ee gientyn, as gymmyrkey three mec, as da inneen. As daase y lhiannoo Samuel fenish y Chiarn.

1 Samuel 2:26

(As daase y lhiannoo Samuel, as v’eh ayns foayr chammah rish y Chiarn, as myrgeddin rish deiney.)

1 Samuel 9:6

As dooyrt eh rish, Cur-my-ner nish, ta ayns yn ard-valley shoh dooinney dy Yee, as t’eh ny ghooinney ooasle; cre-erbee t’eh dy ghra, te dy shickyr er ny chooilleeney: lhig dooin nish goll huggey: foddee dy der eh roïn yn raad lhisagh shin goaill.