1 Samuel 3:18 - Yn Vible Casherick 1775 1819

¹⁸ As dinsh Samuel da dy chooilley ockle, as cha cheill eh veg voish. As dooyrt Eli, She’n Chiarn t’ayn: e aigney dy row jeant.

1 Samuel 3:18 ပူးပေါင်းရင်းမြစ်များ

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

2 Samuel 10:12

Bee jeh cree mie, as lhig dooin caggey myr deiney son y pobble ain, as son ard-valjyn y Jee ain: as aigney-mie’n Chiarn dy row jeant.

2 Samuel 15:26

Agh my jir eh myr shoh, Cha vel taitnys erbee aym aynyd: cur-my-ner, ta mee ayns shoh, lhig da jannoo rhym myr ta mie ayns e hilley.

2 Reeaghyn 20:19

Eisht dooyrt Hezekiah rish Isaiah, S’mie ta goo yn Chiarn, t’ou uss er loayrt. As Dooyrt eh [ny sodjey], S’mie te, my vees shee as ynrickys rish my lhing’s.

1 Recortyssyn 19:13

Bee jeh cree mie, as lhig dooin caggey myr deiney dunnal, son y pobble ain, as son ard-valjyn nyn Yee: as lhig da’n Chiarn jannoo shen ny ta mie ayns e hilley.

Lioar Yob 1:21

As dooyrt eh, Rooisht haink mee ass breïn my vayrey, as rooisht chyndaa-ym reesht gys yn ooir: yn Chiarn ren coyrt, as ta’n Chiarn er ghoaill ersooyl; bannit dy row ennym y Chiarn.

Lioar Yob 2:10

Agh dooyrt eh r’ee, T’ou uss loayrt myr unnane jeh ny mraane mee-hushtagh. Cre shoh! jean mayd mie y ghoaill ec laue Yee, as nagh gow mayd rish seaghyn? Lesh ooilley shoh, cha daink drogh ockle ass beeal Yob.

Psalmyn 39:9

Livrey mee veih ooilley my loghtyn: as ny lhig dou ’ve son craid da’n vooinjer vee-chrauee.

Exodus 34:5

As haink y Chiarn neose ayns y vodjal, as hass eh liorish ayns shen, as ren eh fockley magh ennym y Chiarn.

Isaiah 39:8

Eisht dooyrt Hezekiah rish Isaiah, S’mie ta goo yn Chiarn t’ou uss er loayrt: dooyrt eh ny-sodjey, Son bee shee as ynrickys rish my lhing’s.

Jeremiah 34:6

As loayr Jeremiah yn phadeyr ooilley ny goan shoh rish Zedekiah ree Yudah ayns Jerusalem,

Jeremiah 38:14

Eisht hug y ree Zedekiah fys son Jeremiah yn phadeyr, as ghow eh mârish eh gys y trass yiat jeh thie yn Chiarn: as dooyrt y ree rish Jeremiah, Ta red aym dy ênaghtyn jeed: ny jean nhee erbee y cheiltyn voym.

Jeremiah 42:4

Eisht dooyrt Jeremiah yn phadeyr roo, Ta mee er chlashtyn shiu: cur-my-ner, goyms padjer gys y Chiarn nyn Yee cordail rish nyn yeearree; as hig eh gy-kione, cre-erbee yn ansoor ver y Chiarn my-nyn-gione, soilshee-yms diu eh; cha jean-yms nhee erbee y cheiltyn veue.

Dobberan 3:39

Cre’n-fa ta dooinney bio plaiynt, dooinney son kerraghey e pheccaghyn?

Leviticus 10:3

Eisht dooyrt Moses rish Aaron, Shoh ny loayr y Chiarn, gra, Beem’s er my chasherickey ayndoosyn ta tayrn er-gerrey dou, as kiongoyrt rish ooilley’n pobble bee’m er my ghloyraghey. As va Aaron ny host.

1 Peddyr 5:6

Jean-jee shiu hene er-y-fa shen y injillaghey fo laue niartal Yee, dy vod eh shiu y hroggal seose ayns traa cooie;

Briwnyn 10:15

As dooyrt cloan Israel rish y Chiarn, Ta shin er n’yannoo peccah: jean uss rooin myr hee-ys oo mie; agh livrey shin, ta shin guee ort, yn cheayrt shoh.