1 Samuel 3:17 - Yn Vible Casherick 1775 1819

¹⁷ As dooyrt eh, Cre shen ta’n Chiarn er ghra rhyt? ta mee guee ort, ny keill eh voym’s: dy jean Jee myr shen rhyt, as ny smoo neesht, my nee oo fockle hene y cheiltyn voym jeh ooilley ny dooyrt eh rhyt.

1 Samuel 3:17 ပူးပေါင်းရင်းမြစ်များ

2 Samuel 14:18

Eisht dreggyr y ree as dooyrt eh rish y ven, Ny keill voym’s, ta mee guee ort, shen nee’m fênaght jeed. As dooyrt y ven, Lhig da my hiarn y ree nish loayrt.

2 Samuel 19:13

As abbyr-jee rish Amasa, Nagh vel uss jeh my chraue, as jeh my eill? Dy jean Jee myr shen rhym’s, as ny smoo neesht, mannagh bee uss ard-chaptan y cheshaght-chaggee aym’s choud’s bio oo, ayns ynnyd Yoab.

2 Samuel 3:35

As tra haink y pobble dy gherjaghey David, as dy ghoaill beaghey mârish er y laa cheddin, ren David breearrey, gra, Myr shen as ny smoo dy jean Jee rhym’s, my neem’s arran ny nhee erbee elley y ghoaill, roish lhie ny greïney.

2 Samuel 3:9

Dy jean Jee myr shen rish Abner as ny smoo neesht, mannagh jean-yms son David, myr ta’n Chiarn er vreearrey da;

1 Reeaghyn 22:16

As dooyrt y ree rish, Cre cha mennick shegin dou currym y choyrt ort [er bree dty loo,] gyn oo dy insh dou veg agh shen ny ta firrinagh ayns ennym y Chiarn.

2 Reeaghyn 6:31

Eisht dooyrt eh, Myr shen as ny smoo dy jean Jee rhym’s, my vees kione Elisha mac Shaphat faagit shassoo er y laa jiu.

Psalmyn 141:5

Ny sleaie lhig da deiney mie m’y cherraghey ayns aigney-mie: as oghsan y choyrt dou.

Jeremiah 38:14

Eisht hug y ree Zedekiah fys son Jeremiah yn phadeyr, as ghow eh mârish eh gys y trass yiat jeh thie yn Chiarn: as dooyrt y ree rish Jeremiah, Ta red aym dy ênaghtyn jeed: ny jean nhee erbee y cheiltyn voym.

Jeremiah 42:4

Eisht dooyrt Jeremiah yn phadeyr roo, Ta mee er chlashtyn shiu: cur-my-ner, goyms padjer gys y Chiarn nyn Yee cordail rish nyn yeearree; as hig eh gy-kione, cre-erbee yn ansoor ver y Chiarn my-nyn-gione, soilshee-yms diu eh; cha jean-yms nhee erbee y cheiltyn veue.

Daniel 4:19

Eisht hie e happey voish Daniel (va enmyssit Belteshazzar) son slane oor, as ren e smooinaghtyn eh y heaghney: dreggyr y ree, as dooyrt eh, Velteshazzar, ny lhig da’n dreamal, ny’n monney echey dty heaghney. Dreggyr Belteshazzar, as dooyrt eh, My hiarn, dy row yn dreamal ny chour ocsyn ta dwoaiagh ort, as dy ve cooilleenit er dty noidyn.

Micah 2:7

O uss ta enmyssit thie Yacob, vel spyrryd y Chiarn er ny leodaghey? nee shoh yn jannoo echeysyn? nagh vel my ghoan jannoo mie dasyn ta gimmeeaght dy cairal?

Earrooyn 23:17

As tra haink eh huggey, cur-my-ner, v’eh ny hassoo liorish e oural-losht, as princeyn Voab mârish. As dooyrt Balak rish, Cre ta’n Chiarn er loayrt?

Noo Mian 26:63

Agh va Yeesey ny host. As dreggyr yn ard-saggyrt as dooyrt eh rish, Ta mee cur currym ort liorish y Jee bio, oo dy insh dooin, nee oo yn Creest mac Yee.

Ruth 1:17

Raad yioys [oo] baase, yioyms baase, as shen y raad bee’m oanluckit: shoh as ny smoo dy der y Chiarn orrym, my nee veg agh y baase scarrey uss as mish.

1 Samuel 14:44

As dreggyr Saul, Shoh as ny smoo dy der Jee orrym; mannagh bee oo er dty choyrt gy-baase, Yonathan.

1 Samuel 20:13

Dy jean y Chiarn myr shen as ny smoo rish Jonathan: agh my te ayns cree my ayrey dy yannoo olk dhyt, eisht neem’s shen y hoilshaghey dhyt, as oo y choyrt ersooyl, dy vod oo goll ayns shee: as dy row’n Chiarn mayrt, myr v’eh marish m’ayr.

1 Samuel 25:22

Myr shen as na smessey neesht dy jean Jee rish noidyn Ghavid, my aag-yms dooinney bio mygeayrt dty hie derrey soilshey’n voghrey.)

1 Samuel 3:16

Eisht deïe Eli er Samuel, as dooyrt eh, Samuel my vac. As dreggyr eh, Ta mee ayns shoh.