1 Samuel 3:16 - Yn Vible Casherick 1775 1819

¹⁶ Eisht deïe Eli er Samuel, as dooyrt eh, Samuel my vac. As dreggyr eh, Ta mee ayns shoh.

1 Samuel 3:16 ပူးပေါင်းရင်းမြစ်များ

Genesis 31:11

As loayr ainle Yee rhym ayns dreamal, gra, Jacob: as dooyrt mish, Ta mee ayns shoh.

Genesis 37:13

As dooyrt Israel rish Joseph, Nagh vel dty vraaraghyn jeeaghyn da’n chioltane ayns Shechem? Tar, as ver-yms oo huc er chaghteraght: As dooyrt eh rish, Ta mee ayns shoh.

Ruth 2:8

Eisht dooyrt Boaz rish Ruth, Eaisht rhym, my inneen, ny gow dy yeeassyragh ayns magher erbee elley, chamoo scugh veih shoh, agh freill oo-hene er-gerrey da ny mraane aegey aym’s:

1 Samuel 12:2

As nish, cur-my-ner, ta’n ree eu dy leeideil shiu: as ta mish shenn, as my chione lheeah; as cur-my-ner, ta my vec mêriu: as shione diu my ymmyrkey veih my aegid gys y laa t’ayn jiu.

1 Samuel 3:15

As lhie Samuel derrey’n voghrey, as doshil eh dorryssyn thie yn Chiarn: as va aggle er Samuel dy hoilshaghey’n ashlish da Eli.

1 Samuel 3:17

As dooyrt eh, Cre shen ta’n Chiarn er ghra rhyt? ta mee guee ort, ny keill eh voym’s: dy jean Jee myr shen rhyt, as ny smoo neesht, my nee oo fockle hene y cheiltyn voym jeh ooilley ny dooyrt eh rhyt.