1 Samuel 3:14 - Yn Vible Casherick 1775 1819

¹⁴ As shen-y-fa ta mee er vreearrey mychione lught-thie Eli, nagh bee lhiasaghey jeant son mee-chraueeaght thie Eli lesh chebballyn ny ourallyn son dy bragh.

1 Samuel 3:14 ပူးပေါင်းရင်းမြစ်များ

Psalmyn 51:16

Son cha vel oo shirrey oural, nonney yinnin dhyt eh: cha vel taitnys ayd ayns chebballyn-losht.

Isaiah 22:14

Agh ve er ny ockley ayns my chleayshyn liorish Chiarn ny flaunyssee, Son shickyrys cha bee shiu er ny heyrey veih’n vee-chairys shoh, derrey yiow shiu baase, ta’n Chiarn, Jee ny flaunyssee, dy ghra,

Jeremiah 15:1

Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

Jeremiah 7:16

Shen-y-fa ny jean uss aghin son y pobble shoh, chamoo trog seose eam ny padjer er nyn son, chamoo loayr ass y lieh oc hym’s; son cha der-ym clashtyn dhyt.

Ezekiel 24:13

Ayns dty vroïd ta rouanys; er-yn-oyr dy vel mee er dty ghlenney, as cha beagh oo er dty ghlenney; cha bee oo er dty ghlenney veih dty vroïd arragh, derrey ver-ym er my eulys dy hannaghtyn ort.

Leviticus 15:31

Myr shoh nee shiu cloan Israel y scarrey veih’n neu-ghlennid oc: nagh vow ad baase ayns nyn neu-ghlennid, tra t’ad mee-ooashlaghey my chabbane’s ny mast’ oc.

1 Samuel 2:25

My ta dooinney jannoo aggair da dooinney, nee’n briw reaghey’n chooish eddyr ad: agh my nee dooinney peccah noi’n Chiarn, quoi hig eddyr ad? Ny-yeih cha dug ad geill da coraa nyn ayr; shen-y-fa va’n Chiarn kiarit dy stroie ad.