1 Samuel 3:13 - Yn Vible Casherick 1775 1819

¹³ Son ta mee er n’insh da dy goym kerraghey er e hie, gys earishyn foddey, son y peccah nagh vel gyn-yss da; er-yn-oyr dy ren e vec ad-hene mollaghtagh, as nagh ren eh smaghtaghey ad.

1 Samuel 3:13 ပူးပေါင်းရင်းမြစ်များ

1 Reeaghyn 1:6

As cha row e ayr er ve jymmoosagh rish ec traa erbee, ayns gra, Cre’n-fa t’ou er n’yannoo myr shoh? as v’eh myrgeddin ny ghooinney feer stoamey; as rug e voir eh lurg Absalom.

1 Reeaghyn 2:44

Dooyrt y ree marish shen rish Shimei, Ta fys ayd er ooilley’n olkys ta follit dty chree hene, ren oo rish David my ayr: shen-y-fa nee’n Chiarn chyndaa dty olkys er dty chione hene.

2 Recortyssyn 20:12

O nyn Yee, nagh jean oo ad y vriwnys? son s’beg ta’n niart ainyn noi’n cheshaght vooar shoh ta cheet orrin: chamoo ta fys ain cre nee mayd, agh ort’s ta nyn sooillyn.

Raaghyn Creeney 19:18

Smaghtee dty vac, choud as ta caslys dy yannoo mie jeh, agh ny cur raad da dewilys neu-chooie.

Raaghyn Creeney 29:15

Ta’n slatt as oghsan dy choyrt creenaght: agh ta lhiannoo faagit da hene tayrn nearey er e voir.

Ecclesiastes 7:22

Son s’mie fys ec dty chree hene, dy vel uss myrgeddin dy mennick er oltooan dty naboo.

Ezekiel 18:30

Shen-y-fa neem’s shiuish y vriwnys, O hie Israel, dagh unnane cordail rish e raaidyn, ta’n Chiarn Jee dy ghra: gow-jee arrys, as chyndaa-jee shiu hene veih ooilley nyn ghrogh-yannoo: myr shen cha bee mee-chairys nyn doyrt-mow.

Ezekiel 7:3

Nish ta’n jerrey er jeet ort, as ver-ym magh my chorree dt’oï, as neem’s uss y vriwnys rere dty raaidyn, as goym kerraghey ort son ooilley dty obbraghyn eajee.

Joel 3:12

Lhig da ny ashoonee ve er nyn ghoostey, as lhig daue cheet seose gys coan Yehoshaphat: son ayns shen neem’s soie dy vriwnys ooilley ny ashoonee ta mygeayrt.

Noo Mian 10:37

Eshyn ta ny s’graihee er ayr ny moir na orrym’s, cha vel eh feeu jee’m: as eshyn ta ny s’graihee er mac ny inneen na orrym’s, cha vel eh feeu jee’m.

Deuteronomy 17:12

As y dooinney nee er e chione hene, as nagh n’eaisht rish y taggyrt (ta shassoo dy yannoo shirveish ayns shen kiongoyrt rish y Chiarn dty Yee) ny rish y vriw, bee’n dooinney shen er ny choyrt gy-baase: as ver oo yn olk ersooyl veih Israel.

Deuteronomy 21:18

My ta mac roonagh as mee-viallagh ec dooinney, nagh der geill da coyrle e ayrey, ny coyrle e vayrey, as lurg daue v’er smaghtaghey eh, nagh der eh biallys daue:

1 Ean 3:20

Son my ta ny creeaghyn ain dy gheyrey shin, ta Jee erskyn ny creeaghyn ain, as ta fys echey er dy chooilley nhee.

1 Samuel 2:12

Nish va mec Eli mec Velial; cha row aggle y Chiarn orroo.

1 Samuel 2:17

Myr shoh va peccah ny deiney aegey feer trome kiongoyrt rish y Chiarn; son hug sleih dwoaie da oural y Chiarn.