1 Samuel 3:12 - Yn Vible Casherick 1775 1819

¹² Er y laa shen neem’s cooilleeney noi Eli dy chooilley nhee ta mee er loayrt mychione e hie: tra hem laue roo, hem trooid lesh yn obbyr.

1 Samuel 3:12 ပူးပေါင်းရင်းမြစ်များ

Ezekiel 21:5

Dy vod fys ’ve ec dy chooilley eill dy vel mish y Chiarn er hayrn my chliwe ass e fine: cha jyndaa eh arragh.

Zechariah 1:6

Agh my ghoan, as my lattyssyn, hug mee er currym my harvaantyn ny phadeyryn, nagh ren ad berraghtyn er nyn ayraghyn? as hyndaa ad, as dooyrt ad, ’Naght myr va Chiarn ny flaunyssee kiarit dy yannoo rooin, rere nyn raaidyn, as rere nyn yannoo, eer myr shen t’eh er ghellal rooin.

Earrooyn 23:19

Cha vel Jee myr dooinney, dy yannoo foalsaght, chamoo myr mac dooinney, dy chaghlaa e aigney: vel eh er ghra, as nagh jean eh cooilleeney? ny vel eh er loayrt, as nagh jean eh mie jeh?

Noo Luke 21:33

Nee yn aer as yn ooir cherraghtyn, agh my ghoan’s cha jean cherraghtyn.

Joshua 23:15

Shen-y-fa hig eh gy-kione, ’naght myr ta dy chooilley nhee mie er jeet erriu, ta’n Chiarn nyn Yee er yialdyn diu; myr shen ver y Chiarn lesh erriu dy chooilley olk, derrey vees eh er stroie shin ass y cheer mie shoh ta’n Chiarn nyn Yee er choyrt diu.

Briwnyn 4:24

As va laue cloan Israel er ny niartaghey, dy dooar ad y varriaght er Jabin ree Chanaan, derrey v’ad er stroie Jabin ree Chanaan.

1 Samuel 4:11

As va arg Yee goit; as va daa vac Eli, Hophni as Phinehas, er nyn marroo.

1 Samuel 4:17

As dreggyr yn chaghter as dooyrt eh, Ta Israel er roie er-chea roish ny Philistinee, as myrgeddin ta baase mooar sleih, as ta dty ghaa vac, Hophni as Phinehas, myrgeddin marroo, as ta arg Yee goit.

1 Samuel 4:21

Agh denmys ee yn lhiannoo I-chabod, gra, Ta’n ghloyr er n’immeeaght veih Israel: (er-yn-oyr dy row arg Yee goit, as er graih yn ayr-’sy-leigh eck as e sheshey:)

1 Samuel 4:22

As dooyrt ee, Ta gloyr Israel er n’immeeaght; son ta arg Yee goit.