1 Samuel 29:3 - Yn Vible Casherick 1775 1819

³ Eisht dooyrt princeyn ny Philistinee, Cre t’ec ny Hebrewnee shoh dy yannoo ny mast’ ain? As dooyrt Achish rish princeyn ny Philistinee, Nagh nee shoh David sharvaant Saul ree Israel, ta er ve mârym ny laghyn shoh, eer bleeantyn, as cha vel mee er gheddyn foill erbee ayn, neayr’s haink eh dy ve foym gys y laa shoh?

1 Samuel 29:3 ပူးပေါင်းရင်းမြစ်များ

Genesis 14:13

As haink fer jeusyn v’er roie er-chea, as dinsh eh shoh da Abram yn Hebrew; son v’eh cummal ayns strah Mamre yn Amorite, braar Eshcol, as braar Aner: v’ad shoh er n’yannoo cordail rish Abram.

1 Recortyssyn 12:19

As haink paart jeh Manasseh harrish gys David (tra hie eh marish ny Philistinee noi Saul gys y chaggey: agh cha ren ad cooney lhieu: son er aa-choyrle, hug chiarnyn ny Philistinee ersooyl eh, gra, Tuittee eh gys e vainshtyr Saul, gys gaue y vioys ainyn).

1 Recortyssyn 12:20

Myr v’eh chyndaa gys Ziklag, huitt huggey jeh Manasseh, Adnah, as Jozabad, as Jediael, as Michael, as Jozabad, as Elihu, as Zilthai, captanyn thousaneyn Vanasseh.

Daniel 6:5

Eisht dooyrt ny deiney shoh, cha vow mayd oyr erbee noi yn Daniel shoh, mannagh vow mayd eh n’oï, mychione leigh e Yee.

Noo Ean 19:6

Shen-y-fa tra honnick ny ard-saggyrtyn as ny fir-oik eh, deïe ad, gra, Jean y chrossey eh, jean y chrossey eh. Dooyrt Pilate roo, Gow-jee shiuish eh, as jean-jee eh y chrossey: son cha vel mish er gheddyn foill erbee ayn.

Romanee 12:17

Ny jean-jee olk son olk y chooilleeney da dooinney erbee. Kiare-jee ro-laue dy yannoo reddyn onneragh ayns shilley dy chooilley ghooinney.

1 Peddyr 3:16

Freayll cooinsheanse vie; son wheesh as dy vel ad goltooaney shiuish myr drogh-yantee, dy vod ad nearey ’ghoaill ta cassid dy foalsey yn ymmyrkey-bea vie eu ayns Creest.

1 Samuel 14:11

As ren ad ny-neesht ad-hene y hoilshaghey da gard ny Philistinee: as dooyrt ny Philistinee, Cur-my-ner, ta ny Hebrewnee cheet magh ass ny tuill raad dollee ad ad-hene.

1 Samuel 25:28

Leih dou, ta mee guee ort, loght dty harvaant: son nee’n Chiarn son shickyrys thie my hiarn y niartaghey: er-yn-oyr dy vel my hiarn caggey ayns lieh’n Chiarn, as cha vel olkys er ve cronnit aynyd ooilley dty laghyn.

1 Samuel 27:1

As smooinee David ayns e chree, Neem’s foast keayrt ny keayrt ennagh tuittym liorish laue Saul: cha voddym ny share y yannoo na dy chosney cha leah’s oddym gys cheer ny Philistinee; as cha bee smooinaghtyn sodjey ec Saul orrym, dy hirrey er my hon ayns veg jeh ardjyn Israel: myr shoh nee’m scapail ass e laue.

1 Samuel 27:7

As va’n traa ren David cummal ayns cheer ny Philistinee slane bleïn as kiare meeaghyn.

1 Samuel 29:6

Eisht deïe Achish er David, as dooyrt eh rish, Son shickyrys, myr ta’n Chiarn bio, t’ou er ny ve ynrick, gymmyrkey oo-hene myr sidoor mie, goll magh as stiagh mârym ’sy chaggey; son cha vel mee er gheddyn foill erbee aynyd, er-dyn traa haink oo hym gys y laa shoh: ny-yeih, cha vel ny chiarnyn booiagh jeed.

1 Samuel 4:6

As tra cheayll ny Philistinee feiyr yn yllagh, dooyrt ad, Cre’n yllagh mooar shoh ayns camp ny Hebrewnee? As hoig ad dy row arg y Chiarn er jeet gys y champ.