1 Samuel 28:8 - Yn Vible Casherick 1775 1819

⁸ As hug eh eh-hene ayns cummey elley, liorish caghlaa e choamrey, as hie eh as daa ghooinney mârish, as haink ad gys y ven ’syn oie; as dooyrt eh, Ta mee guee ort, jean faishnys dou liorish y spyrryd ainjyssagh t’aynyd, as cur ersyn girree neem’s genmys dhyt.

1 Samuel 28:8 ပူးပေါင်းရင်းမြစ်များ

1 Reeaghyn 22:30

As dooyrt ree Israel rish Jehoshaphat, Ver-yms mee-hene ayns cummey elley, as hem stiagh ’sy chaggey; agh cur uss ort dty choamraghyn reeoil. As hug ree Israel cummey elley er hene, as hie eh gys y chaggey.

1 Reeaghyn 22:34

As ren dooinney dy row tayrn bow er ventyr, as woaill eh ree Israel eddyr juntyn yn eilley-caggee: shen-y-fa dooyrt eh rish immanagh yn ainagh, Chyndaa dty laue, as cur lhiat mee magh ass y chaggey; son ta mee guint.

1 Recortyssyn 10:13

Shoh myr hooar Saul baase son e vee-viallys noi’n Chiarn, eer noi sarey’n Chiarn nagh ren eh cooilleeney; as myrgeddin son shirrey coyrle jeh ben faishnee, dy vriaght j’ee;

2 Recortyssyn 18:29

As dooyrt ree Israel rish Jehoshaphat, Ver-yms mee hene ayns cummey elley, as hem gys y chaggey, agh cur uss ort dty choamraghyn reeoil. Myr shen hug ree Israel coamrey elley er hene, as hie ad gys y chaggey.

2 Recortyssyn 35:22

Ny-yeih cha jinnagh Josiah e eddin y hyndaa voish, agh hug eh er cummey elley dy chaggey rish, as cha deaisht eh rish goan Necho veih beeal Yee, as haink eh dy chaggey ayns coan Vegiddo.

Isaiah 8:19

As tra jir ad riu, Gow-jee coyrle jeusyn ta spyrrydyn faishnee oc, as jeh ny fir-obbee, ta meekeyragh as tassane; nagh lhisagh pobble briaght jeh nyn Yee? cha nee ny bioee jeh ny merriu?

Jeremiah 23:24

Vod fer erbee eh-hene y cheiltyn ayns ynnydyn follit nagh vaik-yms eh? ta’n Chiarn dy ghra. Nagh vel mish lhieeney niau as thalloo? ta’n Chiarn dy ghra.

Ezekiel 12:6

Ayns y chilley oc ver oo lhiat eh er dty gheayltyn, as hed oo magh lesh y cho-leayrtys, as nee oo dty eddin y choodaghey, nagh vaik oo yn thalloo: son ta mee er hoiaghey oo son cowrey da thie Israel.

Noo Ean 3:19

As shoh yn vriwnys, dy vel soilshey er jeet gys y theihll, as dy row deiney ny s’graihee er y dorraghys na er y toilshey, er-y-fa dy row nyn obbraghyn olk.