1 Samuel 28:7 - Yn Vible Casherick 1775 1819

⁷ Eisht dooyrt Saul rish e harvaantyn, Brie-jee magh dou ben ta spyrryd dy aishnys eck, dy voddym goll dy ghoaill coyrle j’ee. As dooyrt e harvaantyn rish, Cur-my-ner, ta ben ta spyrryd dy aishnys eck ayns Endor.

1 Samuel 28:7 ပူးပေါင်းရင်းမြစ်များ

2 Reeaghyn 6:33

As choud as v’eh foast taggloo roo, cur-my-ner haink y chaghter neose huggey: as dooyrt y ree, Cur-my-ner, ta’n olk shoh veih’n Chiarn; cre’n-fa yinnin farkiagh son cooney veih’n Chiarn ny-sodjey?

1 Recortyssyn 10:13

Shoh myr hooar Saul baase son e vee-viallys noi’n Chiarn, eer noi sarey’n Chiarn nagh ren eh cooilleeney; as myrgeddin son shirrey coyrle jeh ben faishnee, dy vriaght j’ee;

Psalmyn 83:10

Va er nyn stroie ec Endor: as haink dy ve myr eoylley er y thalloo.

Isaiah 19:3

As nee dunnallys Egypt failleil ayns y vean echey; as ver-yms yn choyrle echey naardey: as nee ad shirrey gys ny jallooyn, as gys fir-obbee, as gys fir-faishnee, as gys buitchyn.

Leviticus 19:31

Ny cur-jee geill dauesyn ta cur-rish faishnys; chamoo eiyr-jee er fir-obbee, dy ve cleaynit lioroo: Mish y Chiarn y Jee eu.

Habakkuk 2:3

Son ta’n ashlish foast son traa ry-heet, agh ec y jerrey nee eh loayrt, as cha nee ayns fardail: ga dy vel eh lhiggey shaghey, fark er, son hig eh son shickyrys, cha jean eh cumrail.

Jannoo 16:16

As haink eh gy-kione, myr va shin er y raad goll gys padjer, dy daink ben aeg dy row nyn guail, aynjee va spyrryd faishnee, as v’ee tayrn ymmodee cosney da ny mainshteryn eck, liorish e hobbeeys.

Deuteronomy 18:11

Ny fer-druiagh, ny fer lesh lhiannan-shee, ny fer ta jannoo oalys, ny fer ta shirrey coyrle jeh ny merriu.

Joshua 17:11

As va ec Manasseh ayns Issachar, as ayns Asher, Beth-shean as e baljyn, as Ibleam as e baljyn, as cummaltee Dor as e baljyn, as cummaltee Endor as e baljyn, as cummaltee Taanach as e baljyn, as cummaltee Vegiddo as e baljyn, eer three cheeraghyn.

1 Samuel 28:3

Nish va Samuel marroo, as va ooilley Israel er ghobberan er e hon, as ren ad eh y oanluckey ayns Ramah, yn ard-valley echey hene. As va Saul er n’eiyrt ass y cheer adsyn va cur-rish faishnys, as fir-obbee.