1 Samuel 28:6 - Yn Vible Casherick 1775 1819

⁶ As tra ren Saul briaght jeh’n Chiarn, cha dreggyr y Chiarn eh, liorish ashlishyn, ny liorish Urim, ny liorish phadeyryn.

1 Samuel 28:6 ပူးပေါင်းရင်းမြစ်များ

2 Samuel 22:42

Yeeagh ad, agh cha row fer dy hauail; eer gys y Chiarn, agh cha dug eh clashtyn daue.

Psalmyn 74:9

Dy jarroo, dooyrt ad ayns nyn greeaghyn, Lhig dooin ad y stroie dy bollagh ooilley-cooidjagh: myr shoh t’ad er lostey seose ooilley thieyn Yee ’sy cheer.

Exodus 28:20

As bee’n chiarroo choorse, beryl as onyx, as jasper; bee ad soit ayns socketyn dy airh.

Exodus 28:30

As ver oo ayns y vreast-plate dy vriwnys, yn Urim as Thummim; as bee ad er cree Aaron tra hed eh stiagh kionfenish y Chiarn: as nee Aaron gymmyrkey briwnys chloan Israel er e chree, kiongoyrt rish y Chiarn dy kinjagh.

Raaghyn Creeney 27:1

Ny jean boggyssagh jeed hene mychione y laa mairagh; son cha vel fys ayd, cre ver y laa lesh mygeayrt.

Jeremiah 23:28

Yn phadeyr ta dreamal echey, lhig da e ghreamal y insh; as eshyn ta my ghoo’s echey, lhig da my ghoo y loayrt dy firrinagh. Cre ta’n coau ayns soylaghey da’n churnaght, ta’n Chiarn dy ghra.

Dobberan 2:9

Ta ny giattyn eck lhiggit sheese fo halloo; t’eh er stroie as er vrishey ny boltyn eck, ta’n ree as ny princeyn eck mastey ny ashoonee; ta’n leigh er n’gholl naardey, as cha vel ashlish sodjey ec ny phadeyryn veih’n Chiarn.

Joel 2:28

As hig eh gy-kione ny lurg shen, dy deayrt-yms magh my spyrryd er dy chooilley pheccagh, as nee ny mec as ny inneenyn eu phadeyrys, bee dreamallyn ec ny shenn gheiney eu, nee ny deiney aegey eu ashlishyn y akin.

Leviticus 8:8

As hug eh yn breast-plate er: myrgeddin hug eh er y phlate yn Urim as y Thummim.

Micah 3:7

Eisht, bee ny fakyderyn, naareydagh, as ny phadeyryn ec kione nyn geiley: dy jarroo, nee ad ooilley coodaghey nyn meillyn, son nagh vel ansoor oc veih Jee.

Earrooyn 12:6

As dooyrt eh, Eaisht-jee nish rish my ghoan; My ta phadeyr ny mast’ eu, Mish y Chiarn, nee soilshaghey mee hene da ayns ashlish, as loayr-ym rish aym’s dreamal.

Earrooyn 27:21

As nee eh shassoo fenish Eleazar y saggyrt, nee shirrey coyrle er e hon, liorish briwnys yn Urim, kiongoyrt rish y Chiarn: ec y fockle echeysyn hed ad magh, as ec y fockle echey hig ad stiagh, chammah eh hene, as ooilley cloan Israel mârish, eer yn slane sheshaght.

Noo Mian 1:20

Agh choud as va ny reddyn shoh er e aigney, cur-my-ner haink ainle y Chiarn huggey ayns ashlish, gra, Yoseph, vac Ghavid, ny bee aggle ort dy ghoaill hood Moirrey dty ven: son shen t’er ny ghientyn aynjee, te jeh’n Spyrryd Noo.

Noo Ean 9:31

Nish ta fys ain nagh vel Jee cur clashtyn da drogh-yantee: agh my ta dooinney erbee cur ooashley da Jee, as jannoo e aigney, dasyn t’eh cur clashtyn.

Deuteronomy 33:8

As mychione Levi dooyrt eh, Lhig da’n Thummim as yn Urim ayd’s [soilshey as slane tushtey] ve er dty er-casherick, ren uss y phrowal ec Massah; rishyn ren oo streeu ec ushtaghyn Meribah;

Jamys 4:3

Ta shiu geearree as cha vel shiu geddyn, er-y-fa dy vel shiu geearree ass y raad, dy vod shiu y vaarail eh er ny sayntyn eu hene.

1 Samuel 14:37

As hir Saul coyrle er Jee, Jem seose er-eiyrt’s ny Philistinee? jean uss ad y livrey gys laue Israel? Agh cha dug eh ansoor da er y laa shen.

1 Samuel 28:15

As dooyrt Samuel rish Saul, Cre’n-fa t’ou er choyrt anvea dou, dy my ghoostey? As dreggyr Saul, Ta mee dy mooar seaghnit; son ta ny Philistinee jannoo caggey m’oï, as ta Jee er my hreigeil, as cha vel eh gansoor mee ny sodjey, edyr liorish phadeyryn, ny liorish ashlishyn: er-y-fa shen ta mee er n’eamagh ort, dy vod oo soilshaghey dou cre nee’m.

1 Samuel 28:5

As tra honnick Saul armee ny Philistinee huitt aggle er, as va e chree dy mooar er-creau.