1 Samuel 28:5 - Yn Vible Casherick 1775 1819

⁵ As tra honnick Saul armee ny Philistinee huitt aggle er, as va e chree dy mooar er-creau.

1 Samuel 28:5 ပူးပေါင်းရင်းမြစ်များ

Lioar Yob 15:21

Ta feiyr atchimagh ayns e chleayshyn: ayns mean e vaynrys hig y stroider er.

Lioar Yob 18:11

Bee aggle atchimagh er veih dy chooilley ard, as cur er goaill gys e voynyn.

Psalmyn 73:19

Dy jarroo, eer myr dreamal tra ta fer doostey: myr shen ver oo er y chaslys oc dy lheïe ersooyl ass yn ard-valley.

Raaghyn Creeney 10:24

Berree aggle y vee-chrauee er: agh bee yeearree yn er-cairagh jeant magh.

Isaiah 7:2

As ve er ny insh da thie Ghavid, gra, Ta Syria ayns coardail rish Ephraim: as va’n cree echey er ny ghleashagh, as cree e phobble, myr ta biljyn y cheyll er nyn leaystey lesh y gheay.

Daniel 5:6

Eisht va eddin y ree er ny chaghlaa, as va sneih er e aigney, myr shen dy row juntyn e veeghyn er ny lhaggaghey, as woaill e ghlioonyn noi-ry-hoi.

1 Samuel 28:4

As haggil ny Philistinee ad-hene cooidjagh, as hoie ad nyn gamp ayns Shunem: as haggil Saul ooilley Israel cooidjagh, as ren ad campal ayns Gilboa.

1 Samuel 28:6

As tra ren Saul briaght jeh’n Chiarn, cha dreggyr y Chiarn eh, liorish ashlishyn, ny liorish Urim, ny liorish phadeyryn.