1 Samuel 28:4 - Yn Vible Casherick 1775 1819

⁴ As haggil ny Philistinee ad-hene cooidjagh, as hoie ad nyn gamp ayns Shunem: as haggil Saul ooilley Israel cooidjagh, as ren ad campal ayns Gilboa.

1 Samuel 28:4 ပူးပေါင်းရင်းမြစ်များ

2 Samuel 1:21

Shiuish sleityn Yilboa, ny lhig da druight ny fliaghey cheet erriu, ny magheryn ourallagh: son shen y raad va scape y dooinney niartal, eer scape Saul, dy naareydagh er ny hilgey ersooyl, myr nagh beagh eh er ny ve yn ree ooilit.

2 Samuel 1:6

As dreggyr yn dooinney aeg dinsh da, Myr haghyr dou cheet er slieau Gilboa, cur-my-ner, va Saul croymmey er e shleiy; as cur-my-ner, va ny fainee as ny markee chionney dy creoi er e eiyrt’s.

2 Samuel 21:12

As doardee David, as ghow ad craueyn Saul as craueyn Yonathan e vac, veih deiney Yabesh-gilead, v’er gheid ad veih straid Beth-shan, raad chrogh ny Philistinee [ad, tra va ny Philistinee er varroo] Saul ayns Gilboa.

1 Reeaghyn 1:3

Myr shen hir ad magh son ben-aeg aalin trooid ooilley ardjyn Israel, as hooar ad Abishag yn Shunammite, as hug ad lhieu ee gys y ree.

2 Reeaghyn 4:8

As haghyr eh er laa dy row, dy jagh Elisha gys Shunem, raad va ben ooasle; as ren ee cuirrey eh dy ghoaill beaghey. As myr shen ve, cha mennick as hie eh shaghey, dy hyndaa eh stiagh dy ghoaill beaghey.

Joshua 19:18

As roie’n chagliagh ocsyn lesh Jezreel, as Chesulloth, as Shunem,

1 Samuel 28:5

As tra honnick Saul armee ny Philistinee huitt aggle er, as va e chree dy mooar er-creau.

1 Samuel 31:1

Nish ren ny Philistinee caggey noi Israel: as roie deiney Israel er-chea roish ny Philistinee, as huitt ad lesh cragh trome ayns cronk Gilboa.

1 Samuel 31:8

As haink eh gy-kione laa-ny-vairagh, tra haink ny Philistinee dy roostey ny merriu, dy dooar ad Saul as e hree mec er duittym ayns slieau Gilboa.