1 Samuel 28:3 - Yn Vible Casherick 1775 1819

³ Nish va Samuel marroo, as va ooilley Israel er ghobberan er e hon, as ren ad eh y oanluckey ayns Ramah, yn ard-valley echey hene. As va Saul er n’eiyrt ass y cheer adsyn va cur-rish faishnys, as fir-obbee.

1 Samuel 28:3 ပူးပေါင်းရင်းမြစ်များ

Exodus 22:17

My ta’n ayr eck coyrt slane obbal da, eeckee eh argid, cordail rish toghyr moidynyn.

Exodus 22:18

Cha n’uillee oo buitch dy ve bio.

Leviticus 19:31

Ny cur-jee geill dauesyn ta cur-rish faishnys; chamoo eiyr-jee er fir-obbee, dy ve cleaynit lioroo: Mish y Chiarn y Jee eu.

Leviticus 20:27

Dooinney neesht ny ben, ta cur-rish obbeeys, ny buitcheraght, vees dy feer er nyn goyrt gy-baase; bee ad er nyn glaghey: bee’n uill oc orroo hene.

Leviticus 20:6

As yn annym ta geiyrt orroosyn ta cur-rish obbeeys, as buitcheraght, as jannoo maarderys [spyrrydoil] roo, neem’s soiaghey m’eddin noi’n annym shen, as eshyn y yiarey ersooyl veih mastey’n pobble.

1 Samuel 15:23

Son ta mee-viallys myr y peccah dy obbeeys, as roonid myr yn ard-pheccah dy yalloonys. Er-yn-oyr dy vel uss er choyrt cooyl rish goo’n Chiarn, t’eshyn myrgeddin er choyrt cooyl rhyt’s, nagh bee dty reeriaght beayn.

1 Samuel 25:1

As hooar Samuel baase: as va ooilley ny Israeliteyn er nyn jaglym cooidjagh, as ren ad dobberan er e hon, as doanluck ad eh er-gerrey da e hie ec Ramah. As hrog David er, as hie eh sheese gys faasagh Paran.

1 Samuel 28:9

As dooyrt y ven rish, Cur-my-ner, ta fys ayd cre ta Saul er n’yannoo, kys t’eh er stroie adsyn ta dellal ayns faishnys, as ny fir-obbee, ass y cheer: cre’n-fa eisht t’ou soiaghey ribbeh son my vioys, dy choyrt mee gy-baase?

1 Samuel 7:17

As haink eh reesht gys Ramah; son shen y raad va e chummal: as ayns shen v’eh briwnys Israel; as ayns shen hrog eh altar gys y Chiarn.